वयोवृद्ध असूनही स्वावलंबी आणि प्रेमळ असणार्‍या ६४ टक्के आध्यात्मिक पातळीच्या वापी (गुजरात) येथील श्रीमती वीरमतीबेन शुक्ल (वय ८९ वर्षे)!

१. ‘श्रीमती वीरमतीबेन शुक्ल या पू. इंद्रवदन शुक्ल यांच्या पत्नी आहेत. त्यांचा विवाह बालवयातच झाला. विवाहानंतर त्यांनी घरातील सर्व दायित्व सांभाळले.

२. त्यांनी यजमानांना साधनेत साहाय्य कले. यजमानांच्या निधनानंतर त्या स्थिर राहिल्या.

३. स्वावलंबी  

वीरमतीबेन यांचे वय ८९ वर्षे आहे. त्या त्यांच्या मुलाकडे (श्री. केतन शुक्ल यांच्याकडे) असतात. त्यांना ऐकू येत नाही आणि नीट बोलताही येत नाही. त्यांना विस्मरण होते. अशा स्थितीतही त्या स्वतःची सर्व कामे स्वतःच करतात. ‘आपल्यामुळे कुणालाही त्रास होऊ नये’, असे त्यांना वाटते. त्या कुणावरही आपला भार टाकत नाहीत.

४. प्रेमभाव

अ. त्यांना कुणी भेटायला गेले की, त्या त्यांची आणि कुटुंबियांची प्रेमाने विचारपूस करतात.

आ. पू. इंद्रवदन शुक्ल यांच्या एका शिष्याच्या मुलीचे अपघातात निधन झाले. वीरमतीबेन यांना गुडघेदुखीचा तीव्र त्रास आहे, तरीही त्या दोन माळे चढून त्या शिष्याच्या कुटुंबियांना भेटायला गेल्या.’

– श्री. संतोष आळशी, वापी, गुजरात. (२४.६.२०२६)