राज्यातील शेतकर्‍यांची ३ मास वीज तोडणार नाही ! – ऊर्जामंत्री

• गदारोळामुळे सभागृहाचे कामकाज ४ वेळा स्थगित !

• ऊर्जामंत्री नितीन राऊत नरमले !

कृषी पंप ग्राहकांकडे ४४ सहस्र कोटी रुपयांची वीज थकबाकी ! 

ऊर्जामंत्री राऊत पुढे म्हणाले, ‘‘कृषी पंप ग्राहकांकडे ४४ सहस्र कोटी रुपयांची वीज थकबाकी आहे. ही थकबाकी शेतकर्‍यांनी भरावी. यासाठी शेतकर्‍यांना वारंवार विनंती करण्यात येत आहे. शेतकर्‍यांना व्याज आणि दंड माफ करून थोडी-थोडी रक्कम  भरण्याची सोय उपलब्ध करून देण्यात आली आहे. व्याज आणि दंड माफ केल्यानंतरही ही रक्कम ३० सहस्र ४०० कोटी रुपये इतकी झाली आहे; मात्र तरीही शेतकर्‍यांकडून वीज भरणा होत नाही. शेतकर्‍यांनी आतापर्यंत २ सहस्र ३७८ कोटी रुपयांचा भरणा केला आहे. महावितरण आणि बँक यांना एकूण ४७ सहस्र कोटी रुपयांची आवश्यकता आहे. महावितरण अडचणीत असल्याने आता राज्य सरकारच्या वतीने ८ सहस्र ५०० कोटी रुपये देण्यात येणार आहेत. शेतकर्‍यांचे हित आणि सभागृहाच्या भावना लक्षात घेऊन आगामी ३ मासांसाठी शेतकर्‍यांची वीज तोडण्यात येणार नाही, तसेच ज्यांचा वीज पुरवठा खंडित केला आहे, त्यांचा वीजपुरवठा पूर्ववत् करण्यात येईल.’’