महाळुंगे पडवळ (पुणे) येथील श्री कमलजादेवी मंदिराच्या ‘शटर’चे कुलूप तोडून चांदीच्या पादुकांची चोरी !

असुरक्षित मंदिरे ! मंदिरांमध्ये चोरी होण्याच्या वाढत्या घटना चिंताजनक आहेत ! – संपादक 

महाळुंगे पडवळ (जिल्हा पुणे) – कळंब (ता. आंबेगाव) येथील आदिशक्ती श्री कमलजादेवी माता मंदिराच्या ‘शटर’चे कुलूप तोडून अज्ञात चोरांनी चांदीच्या पादुका चोरून नेल्या आहेत. १३ जानेवारीच्या पहाटे चोरीची घटना चालू असतांना सायरन वाजल्याने चोर घाबरून पळून गेले. मंचर पोलीस ठाण्याचे पोलीस निरीक्षक सतीश होडगर यांनी मंदिरामध्ये ‘सीसीटीव्ही कॅमेरे’ आणि मंदिर परिसरामध्ये सौर दिवे बसवण्याविषयी गावकर्‍यांना सूचना केली आहे.