जळगाव येथील भाजपच्या २९ नगरसेवकांना विभागीय आयुक्तांची नोटीस !

भाजपच्या नगरसेवकांनी शिवसेनेत प्रवेश केल्याचे प्रकरण

जळगाव – येथील महापालिकेतील सत्ताधारी भाजपमधून बाहेर पडून शिवसेना पक्षात प्रवेश केलेल्या भाजपच्या २९ नगरसेवकांना विभागीय आयुक्त राधाकृष्ण गमे यांनी नोटीस बजावली आहे. त्यांच्या पात्रतेविषयी येत्या ११ जानेवारी या दिवशी सकाळी ११ वाजता नाशिक येथे सुनावणी होणार आहे. यासाठी महापालिका आयुक्त आणि जिल्हाधिकारी यांना उपस्थित रहाण्याच्या सूचना देण्यात आल्या आहेत. या सुनावणीत कोणते नगरसेवक पात्र ठरणार, हे निश्चित होईल.

जळगाव महापालिकेत भाजपच्या फुटलेल्या नगरसेवकांनी शिवसेनेला पाठिंबा दिला होता. जळगाव महानगरपालिकेवर गेल्या अनेक वर्षांपासून भाजप नेते आणि माजी मंत्री गिरीश महाजन यांचे वर्चस्व आहे; मात्र असे असतांनाही शिवसेना भाजपचे नगरसेवक फोडण्यात यशस्वी झाली आहे.