मुंबई आणि नवी मुंबईत १ ली ते ९ वी आणि ११ वीचे वर्ग ३१ जानेवारीपर्यंत बंद !

मुंबई – कोरोना रुग्णांच्या संख्येत झपाट्याने वृद्धी होत आहे. त्यामुळे मुंबई महापालिकेच्या क्षेत्रातील १ ली ते ९ वी आणि ११ वी या इयत्तेचे वर्ग ४ ते ३१ जानेवारीपर्यंत बंद करण्याचा निर्णय घेण्यात आला आहे. केवळ १० वी आणि १२ वी या इयत्तांच्या विद्यार्थ्यांच्या प्रत्यक्ष शाळा आणि महाविद्यालय चालू रहाणार आहेत. शाळा बंद असल्या, तरी ‘ऑनलाईन’ शिक्षण चालू रहाणार आहे. हा निर्णय फक्त मुंबई महापालिकेच्या अंतर्गत येणार्‍या शाळांसाठी घेण्यात आला आहे.