सनातन प्रभात > Post Type > बातम्या > राष्ट्रीय बातम्या > Mohammed Zubair AltNews : (म्हणे) ‘कॉकरोच जनता पक्षा’च्या आंदोलकांनी केलेल्या दगडफेकीत पोलीस घायाळ झाले नाहीत !

Mohammed Zubair AltNews : (म्हणे) ‘कॉकरोच जनता पक्षा’च्या आंदोलकांनी केलेल्या दगडफेकीत पोलीस घायाळ झाले नाहीत !

‘अल्टन्यूज’चा सह-संस्थापक महंमद जुबेर याचा खोटारडेपणा

‘अल्टन्यूज’चा सह-संस्थापक महंमद जुबेर

नवी देहली –‘कॉकरोच जनता पक्षा’ च्या संसदेवरील मोर्चाच्या वेळी आंदोलकांनी केलेल्या दगडफेकीत कुठलाही पोलीस कर्मचारी घायाळ झाला नाही. यासंदर्भात प्रसारमाध्यमांमधील बातम्या बनावट आहेत, असा दावा ‘अल्टन्यूज’चा सह-संस्थापक महंमद जुबेर याने ‘एक्स’वरील पोस्टद्वारे केला.

२० जुलै या दिवशी अनुमती नसतांना ‘कॉकरोच जनता पक्षा’च्या नेतृत्वाखाली सहस्रो लोकांनी संसदेवर मोर्चा काढला होता. या वेळी पोलिसांनी त्यांना रोखण्याचा प्रयत्न केल्यावर पक्षाच्या हिंसक कार्यकर्त्यांनी पोलिसांवर दगडफेक केली. यात १० वरिष्ठ अधिकार्‍यांसह ५० पोलीस कर्मचारी घायाळ झाले.

‘ए.एन्.आय.’ आणि ‘आय.ए.एन्.एस्.’ या वृत्तसंस्थांनी घायाळ पोलिसांची अनेक छायाचित्रे प्रसारित केली आहेत. स्वतः घायाळ झालेल्या देहली पोलिसांच्या एका उपनिरीक्षकांचा व्हिडिओही प्रसारित झाला आहे.

जुबेर याच्याकडून हिंसाचाराला खतपाणी !

वर्ष २०२२ मध्ये जुबेरने सामाजिक माध्यमांवर भाजपच्या माजी प्रवक्त्या नूपुर शर्मा यांच्या विधानांचा अपूर्ण व्हिडिओ प्रसारित करून हिंसाचाराला खतपाणी घातले होते. त्यानंतर या वादाचे रूपांतर देशभरातील निदर्शनांमध्ये झाले होते. अनेक निदर्शनांच्या वेळी नूपुर शर्मा यांना ‘सर तन से जुदा’ची (शिरच्छेदाची) धमकी देण्यात आली होती.

नूतन लेख