Pakistan Visa Ban Demand : पाकिस्तानला देण्यात येणारे आर्थिक साहाय्य आणि पाकिस्तान्यांना देण्यात येणारा व्हिसा थांबवावा !

लंडन (ब्रिटन) – ब्रिटनने पाकिस्तानला ३ वर्षांसाठी संमत झालेले १ सहस्र ९६३ कोटी ७० लाख रुपयांचे आर्थिक साहाय्य आणि पाकच्या नागरिकांना देण्यात येणारा व्हिसा (एखाद्या देशात प्रवेश करण्याची अनुमती देणारे अधिकृत कागदपत्र किंवा शिक्का) थांबवावा, अशी मागणी विरोधी पक्षांनी तेथील सरकारकडे केली आहे. पाकिस्तानी वंशाचा मुला-मुलींचे लैंगिक शोषण करणारा कुख्यात गुन्हेगार शब्बीर अहमद याला पाकने परत त्याच्या देशात घेण्यास नकार दिल्यानंतर ही मागणी करण्यात आली आहे.

UK Opposition calls for suspending financial aid to Pakistan and halting visas for Pakistani nationals after Islamabad refused to repatriate convicted child sex offender Shabbir Ahmed.

Ahmed, a key member of the Rochdale #groominggang, was convicted in 30 rape-related offences… pic.twitter.com/o2CJv5MDV7

— Sanatan Prabhat (@SanatanPrabhat) July 21, 2026

पाकिस्तानमध्ये जन्मलेला शब्बीर अहमद रोचडेल ग्रूमिंग गँगचा (लहान मुली किंवा तरुणी यांना आमिषे दाखवून त्यांचे लैंगिक शोषण करणार्‍या टोळीचा) प्रमुख सदस्य होता. त्याला लहान मुलींवर बलात्कार केल्याच्या ३० प्रकरणांमध्ये दोषी ठरवण्यात आले होते. २२ वर्षांच्या शिक्षेपैकी १४ वर्षे कारागृहात काढल्यानंतर या महिन्यात त्याची सुटका करण्यात आली. ब्रिटनने वर्ष २०१६ मध्ये त्याचे नागरिकत्व रहित केले होते; परंतु वर्ष १९७१ च्या इमिग्रेशन (परदेशातून नवीन देशात होणारे कायमस्वरूपी स्थलांतर) कायद्यांतर्गत मिळालेल्या कायदेशीर संरक्षणांमुळे सरकार त्याला हद्दपार करू शकले नाही. गृह सचिव शबाना महमूद यांनी सांगितले आहे की, अशा अत्यंत गंभीर प्रकरणांमध्ये कायद्यात सुधारणा केली जाईल.

पाकने हात झटकले !

या प्रकरणात पाकिस्तानने स्पष्ट केले आहे की, अहमदने दशकांपूर्वी पाकिस्तानी नागरिकत्व सोडले होते आणि त्याचे दायित्व जिथे त्याचे संगोपन झाले आणि त्याने गुन्हे केले, त्या ब्रिटनचे आहे. (ब्रिटनने आता अशा गुन्हेगाराला फाशी द्यावी किंवा आजन्म कारागृहात डांबावे, असेच कुणालाही वाटेल ! – संपादक)