वसीम रिझवी यांचा शिरच्छेद करणार्‍याला ५० लाख रुपये देणार !

भाग्यनगर येथील काँग्रेसचे नेते महंमद फिरोज खान यांची घोषणा

भाग्यनगर (तेलंगाणा) – येथील काँग्रेसचे नेते महंमद फिरोज खान यांनी ‘शिया सेंट्रल वक्फ बोर्डा’चे माजी अध्यक्ष तथा नुकताच हिंदु धर्म स्वीकारलेले जितेंद्र नारायण सिंह त्यागी (पूर्वाश्रमीचे वसीम रिझवी) यांचा शिरच्छेद करून ते शीर आणून दिल्यास, त्याला ५० लाख रुपयांचे बक्षिस देण्यात येणार असल्याची घोषणा केली. तसेच नंतर संबंधितांचा खटला लढवण्याचाही व्यय (खर्च) करण्यात येईल, असेही त्यांनी म्हटल्याचा एक व्हिडिओ सामाजिक माध्यमांतून प्रसारित झाला आहे. हा व्हिडिओ १० दिवसांपूर्वीचा असल्याचे सांगण्यात येत आहे. यात खान यांनी रिझवी यांना शिवीगाळही केली आहे. महंमद फिरोज खान यांनी भाग्यनगर येथून काँग्रेसच्या तिकिटावर एम्.आय्.एम्.चे अध्यक्ष आणि खासदार असदुद्दीन औवैसी यांच्याविरोधात लोकसभेची निवडणूक लढवली होती.

Watch: Video of Hyderabad Congress leader announcing 50 lakh bounty on Wasim Rizvi’s head goes viral after latter reverts to Hinduismhttps://t.co/Q0qaPl06ID

— OpIndia.com (@OpIndia_com) December 6, 2021