मुख्यमंत्री उद्धव ठाकरे यांना श्री विठ्ठल रूक्मिणी मंदिर समितीच्या वतीने शासकीय महापूजेचे निमंत्रण !

मुख्यमंत्री उद्धव ठाकरे यांना निमंत्रण देतांना मंदिर समितीचे पदाधिकारी

सोलापूर, १६ जुलै (वार्ता.) – महाराष्ट्र राज्याचे मुख्यमंत्री उद्धव ठाकरे यांना श्री विठ्ठल रूक्मिणी मंदिर समितीच्या वतीने श्री विठ्ठल-रूक्मिणी यांच्या शासकीय महापूजेचे निमंत्रण देण्यात आले. मुख्यमंत्र्यांच्या वर्षा या निवासस्थानी जाऊन हे निमंत्रण देण्यात आले.

मुख्यमंत्री उद्धव ठाकरे यांना निमंत्रण देतांना मंदिर समितीचे पदाधिकारी

या वेळी महाराष्ट्र राज्याचे पर्यटन आणि पर्यावरण मंत्री आदित्य ठाकरे; शिवसेना सचिव विनायक राऊत (भाई); मंदिर समितीचे सहअध्यक्ष ह.भ.प. गहिनीनाथ महाराज औसेकर; शिवसेनेचे जिल्हा प्रमुख आणि विठ्ठल रूक्मिणी मंदिर समिती सदस्य संभाजी शिंदे; समिती सदस्य ज्ञानेश्‍वर महाराज जळगांवकर; समितीचे कार्यकारी अधिकारी विठ्ठल जोशी; पंढरपूर, सांगोला, मंगळवेढा शिवसेना संपर्क प्रमुख संतोष माने आदी उपस्थित होते.