सोलापूर जिल्ह्यातील १९९ शाळांमध्ये मुख्याध्यापक पदे रिक्त !

कोरोना संसर्गामुळे शैक्षणिक क्षेत्राची स्थिती सुधारण्यासाठी अमूलाग्र पालट होणे आवश्यक असतांना १९९ शाळेतील मुख्याध्यापक पदे रिक्त असणे गंभीर आणि चिंताजनक आहे. ही पदे तातडीने भरण्यासाठी प्रशासनाने प्रयत्न करायला हवेत.

सोलापूर – शालेय शिक्षण विभागातील पदभरती बंद असल्याने जिल्ह्यातील १८७ मराठी, १ कन्नड, तर ११ उर्दू शाळा मुख्याध्यापकांविना चालू आहेत, तसेच मराठी माध्यमातील उपशिक्षकांची ५४८ पदे रिक्त असून उर्दू आणि कन्नड माध्यमातील ७९ उपशिक्षकांची पदेही भरलेली नाहीत. प्राथमिक शिक्षण विभागाने आंतरजिल्हा बदलीतून त्या रिक्त जागा भरण्यात याव्यात, अशी मागणी केली आहे.

मे किंवा जून मध्ये आंतरजिल्हा बदलीचा प्रश्‍न मार्गी लागेल, असे ग्रामविकासमंत्री हसन मुश्रीफ यांनी स्पष्ट केले होते; मात्र जुलै चालू होऊनही कार्यवाही झालेली नाही. (अनेक वेळा मंत्री घोषणा करतात; मात्र प्रत्यक्षात त्याची कार्यवाही होत नाही ! त्यामुळे मंत्र्यांनी सवंग लोकप्रियतेसाठी केवळ घोषणा न करता त्याच्या कार्यवाहीसाठीही प्रयत्न करणे आवश्यक आहे ! – संपादक)

जिल्ह्यातील 199 शाळा मुख्याध्यापकांविना ! आंतरजिल्हा बदलीतून येतील 627 शिक्षक https://t.co/RaofJnX7cv#esakal #paschimmaharashtranews #solapurnews #viral #solapursakal #marathinews #sakalnews #maharashtranews

— sakalmedia (@SakalMediaNews) July 7, 2021