शिवसेनेकडून छत्रपती प्रमिलाराजे रुग्णालयात (कोल्हापूर) हळदयुक्त गरम दुधाचे वाटप

कोल्हापूर, १९ मे (वार्ता.) – शिवसेना आणि युवा सेना यांच्या वतीने छत्रपती प्रमिलाराजे रुग्णालयात रुग्णांच्या नातेवाइकांना हळदयुक्त गरम दुधाचे वाटप चालू करण्यात आले आहे. हा उपक्रम ५ दिवस चालणार आहे. शासकीय वैद्यकीय महाविद्यालयाचे अधिष्ठाता डॉ. एस्.एस्. मोरे यांच्या हस्ते या उपक्रमास प्रारंभ करण्यात आला. याचा लाभ घ्यावा, असे आवाहन जिल्हाप्रमुख श्री. संजय पवार यांनी केले आहे.

या वेळी सुजित चव्हाण, शिवाजी जाधव, नीलेश जाधव, बापू कोळेकर, जिल्हा युवा अधिकारी मंजित माने यांसह अन्य उपस्थित होते.