Dominican Republic Plane Crash : ‘डोमिनिकन रिपब्लिक’मध्ये जेट कोसळले : वैमानिक आणि सह-वैमानिक ठार !

सँटो डॉमिंगो (डोमिनिकन रिपब्लिक) – येथील ‘ला रोमाना’ आंतरराष्ट्रीय विमानतळावर एक खासगी जेट कोसळले. आणीबाणीच्या स्थितीत लँडिंग करण्याचा प्रयत्न करत असतांना हे विमान धावपट्टीवर आदळून उसळले आणि काही क्षणांतच आगीच्या प्रचंड गोळ्यात रूपांतरित झाले. या अपघातात वैमानिक आणि सह-वैमानिक यांचा मृत्यू झाला. ‘डोमिनिकन सिव्हिल एव्हिएशन इन्स्टिट्यूट’च्या माहितीनुसार, गल्फस्ट्रीम जी-२००’ हे जेट विमान ‘ला रोमाना’ येथून अमेरिकेच्या ऑस्टिन शहराकडे जात होते. प्राथमिक माहितीनुसार तांत्रिक बिघाड हेच या अपघाताचे कारण असल्याचे समजते.