वनमंत्री संजय राठोड यांच्या समर्थनार्थ बंजारा समाजाचा मोर्चा

यवतमाळ, १६ फेब्रुवारी (वार्ता.) – येथे वनमंत्री संजय राठोड यांच्या समर्थनार्थ बंजारा समाजाने मोठा मोर्चा काढला. या वेळी भाजपला दोष देत बंजारा समाजाला अपकीर्त न करण्याची चेतावणी देण्यात आली. पूजा चव्हाण आत्महत्या प्रकरणी वानवाडी पोलिसांनी यवतमाळ वैद्यकीय महाविद्यालयाचे अधिष्ठाता डॉ. मिलिंद कांबळे यांना पत्र देऊन माहिती घेतली. ही माहिती गोपनीय असून सांगू शकत नाही, असे डॉ. कांबळे या वेळी म्हणाले; मात्र २ ते ५ फेब्रुवारी या अवधीत पूजा चव्हाण नावाच्या तरुणीवर येथे उपचार झालेले नाहीत, असेही त्यांनी सांगितले.