पुण्यात बनावट लग्ने लावून तरुणांची आर्थिक फसवणूक करणार्‍या महिलांच्या टोळीस अटक !

सोळा संस्कारांमधील महत्त्वाचा संस्कार असणार्‍या विवाहाचाही अशा प्रकारे अपलाभ घेणार्‍या महिला पाहून समाजाची नीतीमत्ता किती खालावत चालली आहे, हेच लक्षात येते !

पुणे – बनावट लग्ने लावून येथील तरुणांची आर्थिक फसवणूक करणार्‍या महिलांच्या टोळीप्रमुख ज्योती पाटील यांच्यासह ६ महिला आणि २ पुरुष अशा ९ जणांना ग्रामीण पोलिसांच्या स्थानिक गुन्हे शाखेने अटक केली आहे. या आरोपींच्या विरोधात गणेश सावळे या तरुणाने वडगाव मावळ पोलिसात तक्रार दिली आहे.

अशा लग्नांतील नवविवाहिता नवर्‍याच्या घरी ७ ते ८ दिवस राहून नंतर त्याच्या घरातील पैसे आणि दागिने घेऊन पळून जात असत. फसवणूक झालेल्यांनी तात्काळ स्थानिक गुन्हे शाखा किंवा वडगाव मावळ पोलीस ठाण्याशी संपर्क साधावा, असे आवाहन पोलीस अधीक्षक डॉ. अभिनव देशमुख यांनी केले आहे.