ॐ श्री नवनाथ श्रद्धास्थान मुळदे येथे कार्तिकस्वामी दर्शन सोहळा

कुडाळ – तालुक्यातील ॐ श्री नवनाथ श्रद्धास्थान मुळदे येथील नवनाथ उपासक प.पू. श्री बाळकृष्ण महादेव घडशी महाराज यांच्या ‘तपोभूमी’ येथे कार्तिकस्वामी दर्शन सोहळा असणार आहे. कार्तिक पौर्णिमा आणि कृतिका नक्षत्र एकत्र असतांना स्त्रियांसाठी कार्तिकस्वामी दर्शनाचा योग असतो. यावर्षी रविवार, २९ नोव्हेंबर या दिवशी दुपारी १२.४८ पासून ते सोमवार, ३० नोव्हेंबर या दिवशी सकाळी ६.३० वाजेपर्यंत हा योग असल्याने कार्तिकस्वामींचे दर्शन घेता येणार आहे. भाविकांना अभिषेक करायचे असल्यास त्यासाठी पुरोहितांची सोय केलेली आहे. या ठिकाणी येणार्‍या भाविकांनी वाहने रस्त्यावर न लावता वाहनतळामध्ये (पार्किंगच्या जागेत) लावावी, तसेच भाविकांनी कोरोनाच्या पार्श्‍वभूमीवर नियमांचे पालन करत मास्क लावून आणि सुरक्षित शारीरिक अंतर ठेवून दर्शन घ्यावे, असे आवाहन प.पू. घडशी महाराज यांनी केले आहे.