डोनाल्ड ट्रम्प यांनी अखेर पराभव मान्य करत सत्तांतरणाच्या प्रक्रियेला दिली अनुमती !

वॉशिंग्टन (अमेरिका) – राष्ट्राध्यक्षपदाच्या निवडणुकीत झालेला पराभव न स्वीकारणारे रिपब्लिकन पक्षाचे उमेदवार आणि विद्यमान राष्ट्राध्यक्ष डोनाल्ड ट्रम्प यांनी अखेर पराभव स्वीकारत सत्तेचे हस्तांतरण करण्याची प्रक्रिया चालू करण्यास अनुमती दिली आहे. यापूर्वी त्यांनी याला नकार दिला होता. त्यामुळे आता नवनिर्वाचित राष्ट्राध्यक्ष जो बायडेन यांचे प्रशासकीय मंडळ हस्तांतराची प्रक्रिया पूर्ण करणार आहे.