सनातन प्रभात > Post Type > बातम्या > राष्ट्रीय बातम्या > The Cockroach Janata Party : ‘कॉकरोच जनता पक्षा’च्या एक्स खात्यावर भारतात बंदी !

The Cockroach Janata Party : ‘कॉकरोच जनता पक्षा’च्या एक्स खात्यावर भारतात बंदी !

सरन्यायाधिशांच्या वक्तव्याला विरोध करण्यासाठी चालू झाली होती मोहीम

नवी देहली – सरन्यायाधीश सूर्यकांत यांनी काही दिवसांपूर्वी बेरोजगार तरुणांना ‘कॉकरोच’ (झुरळ) म्हटल्याचे काही लोकांनी भांडवल करत विरोध चालू केला आहे. वाढता विरोध पहाता सरन्यायाधिशांनी त्यावर स्पष्टीकरण देत त्यांच्या वक्तव्याचा विपर्यास केला गेला, असे सांगितले. तथापि त्यांच्या वक्तव्याचा निषेध करण्यासाठी अभिजीत दीपक नावाच्या विदेशात रहाणार्‍या व्यक्तीने एक्सवर ‘कॉकरोच जनता पार्टी’ नावाचे खाते उघडले. त्याद्वारे तिने भाजप सरकार, भारतीय लोकशाही, न्यायव्यवस्था आदींवर उपरोधिक टीका केली. केवळ ६ दिवसांत या खात्याला १ लाख ९३ सहस्र अनुयायी (फॉलोवर्स) मिळाले. आता या खात्यावर बंदी आणण्यात आली आहे.

‘एक्स’ने या कारवाईविषयी सांगितले की, भारतातील स्थानिक नियम, न्यायालयाचा आदेश आणि कायदेशीर तक्रारी यांच्या आधारावर ही कारवाई करण्यात आली. ‘कॉकरोच जनता पक्षा’चे घोषवाक्य सांगतांना ‘धर्मनिरपेक्ष, समाजवादी, लोकशाहीवादी, आळशी’, अशा प्रकारे त्याचे बोधचिन्ह (लोगो) सिद्ध करण्यात आला होता.

संपादकीय भूमिका

भारतीय लोकशाहीला कलंकित करणार्‍या अशा खात्यावर भारतातच नाही, तर जगात सर्वत्रच बंदी आणली गेली पाहिजे. यासाठी भारताच्या परराष्ट्र आणि माहिती-तंत्रज्ञान मंत्रालयांनी ‘एक्स’वर दबाव आणला पाहिजे !

नूतन लेख