सच्चिदानंद परब्रह्म डॉ. आठवले यांच्याप्रती भाव असलेले बेळगाव येथील ६१ टक्के आध्यात्मिक पातळीचे कै. दिलीप कागवाड (वय ६८ वर्षे) !

२३.४.२०२६ या दिवशी बेळगाव येथील दिलीप कागवाड (आध्यात्मिक पातळी ६१ टक्के, वय ६८ वर्षे) यांचे निधन झाले. ५.५.२०२६ या दिवशी त्यांच्या निधनानंतरचा १३ वा दिवस आहे. त्यानिमित्त बेळगाव येथील साधकांना जाणवलेली त्यांची गुणवैशिष्ट्ये आणि त्यांच्या निधनानंतर जाणवलेली सूत्रे पुढे दिली आहेत.

१. सौ. अर्चना घनवट, बेळगाव

१ अ. गुणवैशिष्ट्ये

१. ‘दिलीप कागवाडकाकांना तीव्र शारीरिक त्रास असतांनाही ते व्यष्टी साधनेचे सर्व प्रयत्न प्रतिदिन पूर्ण करत असत.

२. काकांचे पथ्याचे जेवण बनवून त्यांच्या पत्नी आशा कागवाडकाकू सकाळी ११ वाजता प्रसारसेवेला जात असत. काका घरी एकटेच असायचे, तरी याविषयी काकांचे कधीच गार्‍हाणे नव्हते.

३. काका नेहमी स्थिर, शांत आणि तेजस्वी दिसत असत.

४. एकदा काका आणि काकू विदेशात जाण्यासाठी निघाले होते. तेव्हा साधक त्यांना भेटायला गेल्यावर साधकांना पाहून काकांची भावजागृती झाली होती.

५. काका सच्चिदानंद परब्रह्म डॉ. आठवले यांचे साधनेविषयीचे प्रवचन भ्रमणभाषवर सतत ऐकत असत. एकदा काका मला म्हणाले, ‘‘गुरुदेवांचे प्रवचन प्रतिदिन ऐकल्याने माझे शारीरिक स्वास्थ्य व्यवस्थित आहे.’’

६. गुरुदेवांविषयी बोलतांना काकांचा भाव जागृत होत असे.

१ आ. निधनानंतर जाणवलेली सूत्रे

१. ‘काका गुरुदेवांच्या अनुसंधानात आहेत’, असे मला जाणवले.

२. बराच वेळ मला तेथे सूक्ष्मातून प.पू. भक्तराज महाराज यांचे अस्तित्व जाणवले.’

२. सौ. अर्चना घनवट आणि सौ. शीतल जोशी, बेळगाव

२ अ. निधनानंतर जाणवलेली सूत्रे

१. ‘कागवाडकाकांच्या निधनानंतर आम्ही त्यांच्या घरी गेलो होतो. तेव्हा काकांचा चेहरा पुष्कळ तेजस्वी दिसत होता, तसेच त्यांची त्वचा पिवळी दिसत होती.

२. त्यांच्या घरात शांतता जाणवत होती.’

(सर्व सूत्रांचा दिनांक : ३०.४.२०२६)