नेपाळमार्गे भारतात घुसखोरी करू पहाणार्‍या चिनी नागरिकाला अटक !

नवी देहली – नेपाळमार्गे भारतात घुसखोरी करू पहाणार्‍या एका चिनी नागरिकाला सीमा सुरक्षा दलाच्या सैनिकांनी अटक केली. झोउ हुआन (वय ४१ वर्षे) असे त्याचे नाव असून तो चीनमधील हुनान प्रांतातील रहिवासी आहे.

Jogbani Border Checkpost: Chinese national caught attempting to infiltrate India via Nepal 🚨

A stark reminder of evolving infiltration tactics; exploiting porous borders and identity similarities to slip through unnoticed.

India must stay alert 🇮🇳

Stronger border… pic.twitter.com/YOctAOLWNu

— Sanatan Prabhat (@SanatanPrabhat) May 5, 2026

हुआन हा नेपाळमधील विराटनगर येथून नेपाळी क्रमांकाच्या दुचाकी गाडीवरून  जोगबनी पडताळणी नाक्यावर पोचला. सैनिकांना त्याच्या हालचलींवरून त्याचा संशय आल्याने त्याला अडवण्यात आले. प्राथमिक अन्वेषणात त्याच्याकडे भारतात प्रवेशासाठी आवश्यक असलेला कोणताही वैध व्हिसा (एखाद्या देशात प्रवेश करण्याची, एखादा देश सोडून जाण्याची किंवा एखाद्या देशातून प्रवास करण्याची अनुमती देणारे अधिकृत कागदपत्र किंवा शिक्का), पारपत्र किंवा इतर कागदपत्रे आढळली नाहीत. यावरून त्याने अवैधपणे भारतात प्रवेश करण्याचा प्रयत्न केल्याचे निष्पन्न झाले. हुआन हा नेपाळमध्ये किती दिवसांपासून होता ? आणि भारतात येण्यामागचा त्याचा उद्देश काय होता ?, यांचे अन्वेषण आता यंत्रणांकडून केले जात आहे. या घटनेनंतर सुरक्षायंत्रणा अधिक सतर्क झाल्या आहेत.