सनातन प्रभात > Post Type > बातम्या > राष्ट्रीय बातम्या > Beef In Sasaram School :  सासाराम (बिहार) येथे शाळेत सापडले गोमांस : ग्रामस्थांमध्ये तीव्र संताप !

Beef In Sasaram School :  सासाराम (बिहार) येथे शाळेत सापडले गोमांस : ग्रामस्थांमध्ये तीव्र संताप !

रोहतास (बिहार) – सासाराममधील रामूडीह येथील एका सरकारी शाळेत अत्यंत संवेदनशील प्रकरण समोर आले आहे. त्यामुळे आसपासच्या परिसरात तणावाचे वातावरण निर्माण झाले. याविषयी ग्रामस्थांमध्ये तीव्र संताप व्यक्त केला जात आहे.

मिळालेल्या माहितीनुसार, २२ एप्रिल २०२६ या दिवशी सकाळी शाळा उघडली असता ४ प्लास्टिक पिशव्यांमध्ये गोमांस आढळून आले. ही बातमी संपूर्ण परिसरात वार्‍यासारखी पसरली आणि मोठ्या संख्येने ग्रामस्थ शाळा परिसरात जमा झाले. ग्रामस्थांनी शाळेचे मुख्याध्यापक महंमद अनवर यांच्यासह एकूण ५ मुसलमान शिक्षकांवर गंभीर आरोप केले. संतप्त ग्रामस्थांनी दोषींना अटक करून कठोर कारवाई करण्याची मागणी केली आहे. शाळेतील मुसलमान शिक्षक हिंदु मुलांना गोमांस खाऊ घालण्याच्या प्रयत्नात होते, असा आरोप ग्रामस्थांनी केला आहे. ग्रामस्थांनी पुढे सांगितले की, शाळेच्या आसपासचा परिसर हिंदुबहुल आहे आणि शाळेत शिकणारी बहुतांश मुलेही हिंदु समुदायातील आहेत; परंतु काही वर्षांपूर्वी एका कटाच्या अंतर्गत शाळेचे नाव ‘उर्दू मध्य विद्यालय’ असे ठेवण्यात आले.

या घटनेची माहिती मिळताच विक्रमगंजचे उपविभागीय दंडाधिकारी प्रभात कुमार आपल्या पथकासह शाळेत पोचले. उपविभागीय दंडाधिकार्‍यांनी संतप्त ग्रामस्थांची समजूत काढून या प्रकरणाची निष्पक्ष चौकशी करण्याचे आश्वासन दिले. या प्रकरणी संशयितांना कह्यात घेतले असून त्यांची चौकशी केली जात आहे, अशी माहिती रोहतासचे पोलीस अधीक्षक रोशन कुमार यांनी दिली.

संपादकीय भूमिका

बिहारमधील भाजप सरकारच्या राजवटीत अशा घटना घडणे हिंदूंना अपेक्षित नाही !

नूतन लेख