सनातन प्रभात > Post Type > बातम्या > राष्ट्रीय बातम्या > इंद्रप्रस्थ सांस्कृतिक महोत्सवात सनातन संस्थेच्या ग्रंथप्रदर्शनाला जिज्ञासूंचा उत्स्फूर्त प्रतिसाद

इंद्रप्रस्थ सांस्कृतिक महोत्सवात सनातन संस्थेच्या ग्रंथप्रदर्शनाला जिज्ञासूंचा उत्स्फूर्त प्रतिसाद

ग्रंथ पहातांना जिज्ञासू आणि त्याविषयी माहिती सांगतांना श्री. कार्तिक साळुंके

इंद्रप्रस्थ (नवी देहली) – देहलीच्या ऐतिहासिक परिसरात आयोजित ‘इंद्रप्रस्थ सांस्कृतिक महोत्सव (आय.सी.एफ्. २०२६)’ हा भारतीय संस्कृती, इतिहास आणि अध्यात्म यांचा एक अनोखा संगम ठरला. ‘संगम टॉक्स’चे श्री. राहुल दिवाण आणि ‘गरुड प्रकाशन’चे श्री. संक्रांत सानू यांच्या अथक प्रयत्नांमुळे देहली येथे प्रथमच आयोजित झालेल्या या भव्य महोत्सवाने राजधानीतील रहिवाशांना त्यांच्या मुळांशी जोडले जाण्याची संधी मिळाली. या महोत्सवात सनातन संस्थेने आयोजित केलेले ग्रंथप्रदर्शन विशेष आकर्षण ठरले.

हिंदु संस्कृतीचा गौरव पुन्हा स्थापित करण्यासाठी खोट्या कथानकांचे खंडण केले पाहिजे ! – कपिल मिश्रा, मंत्री, देहली

‘इंद्रप्रस्थ’ हे केवळ एक नाव नाही, तर ती पांडवांची राजधानी होती. हिंदु संस्कृतीची ओळख पुन्हा प्रस्थापित करण्यासाठी हा विसरलेला गौरव जनमानसात पुन्हा स्थापित करणे आवश्यक आहे. त्यासाठी आपल्या खर्‍या इतिहासाविरुद्ध पसरवल्या जाणार्‍या खोट्या कथानकांचे खंडण करण्यासाठी समाजाला तथ्य आणि तर्क यांवर आधारित चर्चेची आवश्यकता आहे. नव्या लेखकांनी भारताच्या खर्‍या इतिहासावर आणि शाश्वत मूल्यांवर अधिक संशोधनात्मक लेख लिहिले पाहिजेत.

क्षणचित्रे

१. महोत्सवातील विविध सांस्कृतिक कार्यक्रमांमध्ये अनेक ‘पद्मश्री’ पुरस्कार विजेते आणि नामवंत कलाकार यांनी सादरीकरण केले.

२. सनातन संस्थेच्या प्रदर्शनातील अध्यात्म, राष्ट्ररक्षण आणि धर्मजागृती यांच्याशी संबंधित ग्रंथ अन् सात्त्विक उत्पादने यांनी जिज्ञासूंचे लक्ष वेधून घेतले. या प्रदर्शनाच्या ठिकाणी देहलीच्या ‘भारत मंडपम्’ येथे १३ आणि १४ डिसेंबर २०२५ या कालावधीत आयोजित करण्यात आलेल्या ‘सनातन राष्ट्र शंखनाद महोत्सवा’ची एक लघुचित्रफित दाखवण्यात आली.

३. श्री. कपिल मिश्रा यांनी भाषणात सनातन संस्थेने आयोजित केलेल्या ‘सनातन राष्ट्र शंखनाद महोत्सवा’चा विशेष उल्लेख केला.

नूतन लेख