सनातन प्रभात > Post Type > बातम्या > राष्ट्रीय बातम्या > Anti-Hindu Lenskart : ‘लेन्सकार्ट’च्या कर्मचार्‍यांना हिजाब घालण्याची अनुमती; पण कुंकू-टिकली लावण्यावर बंदी !

Anti-Hindu Lenskart : ‘लेन्सकार्ट’च्या कर्मचार्‍यांना हिजाब घालण्याची अनुमती; पण कुंकू-टिकली लावण्यावर बंदी !

हिंदूंशी करण्यात येणारा भेदभाव कर्मचार्‍यांसाठीच्या परिचय दस्ताऐवजातून उघड !

(हिजाब म्हणजे मुसलमान महिलांनी डोके आणि मान झाकण्यासाठी वापरलेले वस्त्र)

‘लेन्सकार्ट’ या प्रसिद्ध आस्थापनाचा हिंदुद्वेष चव्हाट्यावर !

नवी देहली – माहिती तंत्रज्ञान आस्थापन ‘टाटा कन्सल्टंसी सर्व्हिसेस’मधील हिंदु कर्मचार्‍यांच्या धर्मांतराचे प्रकार समोर आल्यानंतर आता या ‘कॉर्पाेरेट’ जगतातील हिंदुद्वेषावर चर्चा होऊ लागली आहे. अशातच चष्मे, गॉगल आदी उत्पादने बनवणार्‍या ‘लेन्सकार्ट’ या प्रसिद्ध आस्थापनाचा हिंदुद्वेष चव्हाट्यावर आला आहे. आस्थापनाच्या कर्मचार्‍यांसाठीच्या परिचय दस्ताऐवजामध्ये ‘वेशभूषा’ आणि ‘गणवेश’ यांच्या नियमांतून हा हिंदुद्वेष स्पष्टपणे झळकतो. यांतर्गत जर एखादा कर्मचारी कामावर असतांना ‘कलावा’ (हातातील पवित्र दोरा) किंवा कपाळावर कुंकू-टिकली लावत असेल, तर त्याला घरी पाठवले जाईल. थोडक्यात या गोष्टींना कार्यालयात अनुमती नाही. दुसरीकडे याच नियमांमध्ये हिजाब परिधान करण्याला पूर्ण अनुमती देण्यात आली आहे. आस्थापनाच्या या हिंदुद्वेषावरून त्याच्यावर सामाजिक माध्यमांत टीका होत आहे.

१. प्रसिद्ध हिंदुत्वनिष्ठ लेखिका शेफाली वैद्य यांनी ‘लेन्सकार्ट’चा निषेध केला आहे. त्यांनी ‘एक्स’वर लिहिले की, हिंदु बहुसंख्य असलेल्या भारतात कार्यरत असलेले आणि जिथे त्याचे बहुतांश कर्मचारी आणि ग्राहक हे हिंदूच आहेत, अशा ‘लेन्सकार्ट’सारख्या आस्थापनाने अशी भूमिका घेणे निषेधार्ह आहे.

मी कधी ‘लेन्सकार्ट’कडून काही खरेदी करणार नाही.

२. अनेक सर्वसामान्य हिंदूंनी लेन्सकार्टवर बहिष्कार घालण्याचे आवाहन केले आहे.

एका हिंदूने विचारले, पीयूष बन्सल (लेन्सकार्टचे मालक), हा कसला हास्यास्पद नियम आहे ? टिकली, कलावा किंवा कुंकू यांमुळे कामाच्या ठिकाणचे व्यावसायिक वातावरण कसे विस्कळीत होऊ शकते ? किंवा यांमुळे भेदभाव कसा निर्माण होतो ? अशा प्रकारची बंधने का लादली जात आहेत ?

३. दुसर्‍या एका हिंदूने लिहिले की, मी लेन्सकार्टकडून चष्मे कधीही खरेदी करणार नाही. आता केवळ हिजाब परिधान करणार्‍या महिलांनीच त्यांच्याकडून चष्मे खरेदी करावेत. आता कृपया तुमच्या कर्मचार्‍यांना नमाजपठण कसे करावे ? आणि रमजानच्या काळात उपवास कसे पाळावेत ?, हे शिकवण्याचे कामही करा.

४. ‘ऑपइंडिया’ या हिंदुत्वनिष्ठ प्रसारमाध्यमाने दावा केला आहे की, त्यांच्या प्रतिनिधींनी देहलीतील ‘लेन्सकार्ट’च्या काही शाखांना भेट दिली.

तेथील कर्मचार्‍यांनी नाव उघड न करण्याच्या अटीवर सांगितले की, आस्थापनाचे नियम हिंदु कर्मचार्‍यांशी भेदभाव करणारे  आहेत.

‘लेन्सकार्ट’च्या मालकाचे हास्यास्पद स्पष्टीकरण !

‘लेन्सकार्ट’चे मालक पीयूष बन्सल यांनी यावर स्पष्टीकरण देतांना म्हटले की,

मी हे थेट सांगू इच्छितो की, आता समोर आलेले आमचे दस्तऐवज आमच्या सध्याच्या मार्गदर्शक तत्त्वांचे प्रतिबिंब नाही. आमच्या धोरणात कुंकू आणि टिळा लावण्यासह कोणत्याही प्रकारच्या धार्मिक अभिव्यक्तीवर कोणतेही निर्बंध नाहीत.

आमची कालबाह्य आवृत्ती ‘आज आम्ही कोण आहोत ?, याचे प्रतिनिधित्व करत नाही.’ (यावरही जर विश्वास ठेवायचा झाला, तर ‘लेन्सकार्ट’ भूतकाळात अशा प्रकारे हिंदु कर्मचार्‍यांशी भेदभाव करायचा, हे स्पष्ट होते. ‘मी आधी एवढ्या चोर्‍या केल्या आहेत. आता मात्र मी चोर नाही’, असे एखाद्या चोराने स्पष्टीकरण दिले, तरी त्याला पोलीस सोडणार आहेत का ? त्यामुळे आता पोलिसांनी पीयूष बन्सल यांच्यावर धार्मिक भेदभावाला प्रोत्साहन दिल्यावरून भारतीय राज्यघटनेतील कलम १४ ते १६ चे उल्लंघन केल्याप्रकरणी अटकेची कारवाई का करू नये ? – संपादक)

(चित्रावर क्लिक करा)

हिंदूंनो, ‘लेन्सकार्ट’ला वठणीवर आणण्यासाठी हे करा !

१. जवळच्या ‘लेन्सकार्ट स्टोअर’ला (शाखेला) भेट देऊन आस्थापनाने कर्मचार्‍यांशी केलेल्या या धार्मिक भेदभावाचा स्पष्ट शब्दांत वैध मार्गाने निषेध नोंदवा.

२. आस्थापनाने हे हिंदुविरोधी नियम मागे घेण्यासाठी तेथील अधिकारी-कर्मचारी यांच्यावर वैध मार्गाने दबाव आणा.

३. पुढील ८ दिवसांत हे नियम पालटण्याचे आवाहन करा.

४. ‘लेन्सकार्ट’च्या हिंदु कर्मचार्‍यांनी कुंकू, टिकली, टिळा लावूनच कामावर जावे. महिनाभर हे ‘वर्क कल्चर’ राबवावे आणि स्वतः धर्माभिमानी हिंदू असल्याचे दाखवून द्यावे’, असे आवाहन हिंदूंनी करावे, अन्यथा आस्थापनावर आर्थिक बहिष्कार घालण्याची चेतावणी द्यावी.

संपादकीय भूमिका

  • बहुसंख्यांक हिंदूंच्या भारतात हिंदूंच्या पैशांवरच मोठ्या झालेल्या अशा आस्थापनांना आता हिंदूंनीच बहिष्काराचे शस्त्र उगारून इंगा दाखवला पाहिजे !
  • अतीसहिष्णू अथवा धर्मशिक्षणविहीन हिंदूंना अशा गोष्टींचे कोणतेच सुवेरसुतक नसल्याने अशी आस्थापने ‘कॉर्पाेरेट वर्किंग कल्चर’च्या नावाखाली अशा प्रकारे स्वत:चा हिंदुद्वेष प्रकट करतात. यास हिंदूंमधील कतर्व्यहीनता अधिक कारणीभूत आहे, असे म्हणावे लागेल !
  • व्यावसायिक वृत्ती दाखवण्याच्या धडपडीत ‘लेन्सकार्ट’ हिजाबवर प्रतिबंध घालत नाही, हे जाणा ! हा त्याचा धार्मिक दुटप्पीपणा आहे कि व्यावसायिकपणाचे ढोंग ?

नूतन लेख