सनातन प्रभात > Post Type > बातम्या > आंतरराष्ट्रीय बातम्या > Bangladesh Ram Navami Celebration : बांगलादेशात ‘अग्निवीर’ संघटनेकडून श्रीरामनवमी भावपूर्णरित्या साजरी !

Bangladesh Ram Navami Celebration : बांगलादेशात ‘अग्निवीर’ संघटनेकडून श्रीरामनवमी भावपूर्णरित्या साजरी !

शेकडो हिंदूंनी घेतला सहभाग

शांतीयज्ञ करतांना बांगलादेशातील हिंदु भाविक

सिल्हेट (बांगलादेश) – ‘बांगलादेश अग्निवीर’ या प्रखर हिंदुत्वनिष्ठ संघटनेकडून येथील लमाबाजार तीन मंदिर परिसरात २७ मार्चला श्रीरामनवमीचा उत्सव अत्यंत उत्साहात आणि भावपूर्णरित्या साजरा करण्यात आला. येथील शिवमंदिरात झालेल्या या कार्यक्रमात परिसरातील शेकडो भाविक सहभागी झाले होते. स्थानिक हिंदुत्वनिष्ठांनी या सोहळ्याची माहिती ‘सनातन प्रभात’ला दिली.

असा झाला सोहळा !

श्रीरामाचे चित्र रंगवतांना लहान हिंदु मुलगा

कार्यक्रमाच्या प्रारंभी ईश्वरास समर्पित प्रार्थना घेण्यात आली. त्यानंतर भजनांची प्रस्तुती झाली. लहान आणि किशोरवयीन मुलांच्या तीन वेगवेगळ्या गटांमध्ये चित्रकला स्पर्धा अन् प्रदर्शनाचे आयोजन करण्यात आले होते. दुपारी १२ वाजात श्रीरामजन्म साजरा करण्यात आला. दुपारी १२.३० वाजता जागतिक शांतता आणि सर्वांच्या कल्याणासाठी प्रार्थना करत, ‘वैदिक शांती यज्ञ’ करण्यात आला. यानंतर ‘ब्रह्म संगीत’ सादर करण्यात आले.
या सोहळ्यानंतर एका चर्चासत्राचे आयोजन करण्यात आले होते. वक्त्यांनी तरुण मनांच्या सुदृढ मानसिक विकासासाठी सांस्कृतिक उपक्रमांमधील सहभाग अत्यंत आवश्यक असल्याचे या वेळी अधोरेखित केले.

संपादकीय भूमिका

बांगलादेशातील हिंदूंवर सातत्याने आक्रमणे होत असूनही त्यांनी अशा प्रकारे संघटित होऊन उपासना आणि सांस्कृतिक कार्यक्रम यांचे आयोजन करणे कौतुकास्पद  आहे !

नूतन लेख