शिवसेनेने आंदोलन केल्यानंतर ‘आय.डी.एफ्.सी. फर्स्ट’ बँकेने केली कर्जदाराची क्षमायाचना !

नागपूर – येथील एका ग्राहकाने ‘आय.डी.एफ्.सी. फर्स्ट’ बँकेकडून व्यवसायासाठी कर्ज घेतले होते; मात्र व्यवसाय न चालल्याने कर्जाचा हप्ता भरता आला नाही. बँकेने त्या ग्राहकाला ‘वन टाईम सेटलमेंट’ (एकाच टप्प्यात सर्व रक्कम भरणे) करण्यास सांगितले. ग्राहकाने बँकेने सांगितलेली रक्कम भरली; पण त्याला कर्ज फेडल्याचे प्रमाणपत्र (लोन क्लियरन्स सर्टिफिकेट) देण्यात आले नाही. बँकेच्या अधिकार्‍यांनी वारंवार संपर्क करून त्याला आणखी १ लाख रुपये भरण्यास सांगितले. या वेळी त्यांनी अत्यंत खालच्या थराला जाऊन शिवीगाळ केल्याचा आरोपही या कर्जदाराने केला.

IDFC First Bank Forced to Apologize! 🚨🏛️

Following a strong protest by @Rahulpandeindia Shiv Sena leader, @IDFCFIRSTBank has issued an apology to a borrower harassed by their arbitrary tactics.

The Shocking Details:
🛑 Attempted financial exploitation.

🛑 Vile verbal abuse &… pic.twitter.com/jqUYcYE7eh

— Sanatan Prabhat (@SanatanPrabhat) March 20, 2026

बँकेने कर्जदाराचे लग्न तुटण्यापर्यंत मारली मजल !

बँक केवळ एवढ्यावरच थांबली नाही, तर तिच्या अधिकार्‍यांनी पीडित ग्राहकाची भावी पत्नी आणि सासू-सासरे यांनाही शिवीगाळ केली. त्यामुळे लग्न तुटण्याची वेळ आली होती. यानंतर ग्राहकाने शिवसेनेकडे साहाय्य मागितले. शिवसेनेचे उपशहरप्रमुख श्री. राहुल पांडे यांच्या नेतृत्वाखाली कार्यकर्त्यांनी बँकेत आंदोलन केले. या वेळी शिवसैनिकांनी बँकेच्या कार्यालयात जाऊन १५ ते २० किलो सडलेले टॉमेटो फेकले, तसेच क्षमापत्र आणि कर्ज फेडल्याचे प्रमाणपत्र न दिल्यास अजून मोठ्या आंदोलनाची चेतावणी दिली. त्यानंतर बँकेने प्रमाणपत्र, तसेच क्षमापत्र दिले. श्री. राहुल पांडे यांनी यासंदर्भातील माहिती ‘सनातन प्रभात’ला दिली. (श्री. राहुल पांडे आणि सर्व शिवसैनिक यांचे अभिनंदन ! असे शिवसैनिकच जनतेची खरी शक्ती होत ! – संपादक)