भारत पुन्हा पाकविरोधात युद्धाची सिद्धता करत आहे ! – Asif Ali Zardari

इस्लामाबाद (पाकिस्तान) – भारतीय नेते पाकच्या विरोधात आणखी एका युद्धाची सिद्धता करत आहेत. भारताने रणांगणातून मागे हटून चर्चेच्या मार्गावर यावे; कारण प्रादेशिक सुरक्षेसाठी तोच एकमेव पर्याय आहे, असे आवाहन पाकिस्तानचे राष्ट्रपती आसिफ अली झरदारी यांनी पाकच्या संसदेत केले. झरदारी यांनी पाकिस्तानला उत्तरदायी अण्वस्त्रधारी राष्ट्र म्हणून मांडण्याचा प्रयत्न केला. ‘अशा शक्तीसमवेत मोठे दायित्व येते; मात्र आवश्यकता भासल्यास पाकिस्तान स्वतःचे संरक्षण करू शकतो’, असेही स्पष्ट केले. (स्वत: ‘उत्तरदायी’ आहे, असे ठरवणे हास्यास्पद होय. अन्य राष्ट्रांनी तसे म्हटले पाहिजे, ही साधी गोष्टही पाकच्या प्रथम नागरिकाला कळत नाही. यातून या देशाचीच बौद्धिक दिवाळखोरी दिसून येते ! – संपादक)

Pakistan President Asif Ali Zardari claims in Parliament that “India is preparing for war” – and then calls for “dialogue.”

Let’s be clear: Every one of the four wars happened due to Pakistan’s aggression. India has never initiated war.

Now, playing the victim won’t rewrite… pic.twitter.com/2pr9j2pUku

— Sanatan Prabhat (@SanatanPrabhat) March 3, 2026

तालिबानवर आरोप, संसदेत गदारोळ

अफगाणिस्तानातील परिस्थितीवर बोलतांना झरदारी यांनी दोहा कराराचे उल्लंघन केल्याचा आरोप तालिबान प्रशासनावर केला. ‘पाकिस्तानची भूमी पवित्र असून ती अस्थिर करण्याची अनुमती दिली जाणार नाही’, असे त्यांनी म्हटले. त्यांच्या भाषणाच्या वेळी इम्रान खान यांच्या पक्षाच्या खासदारांनी खान यांच्या सुटकेची मागणी करत घोषणाबाजी केली आणि सभागृहात गदारोळ झाला.