सनातन प्रभात > Post Type > बातम्या > आंतरराष्ट्रीय बातम्या > Bangladesh Atrocities on Hindus : बांगलादेशामध्ये हिंदु महिलेवर सामूहिक बलात्कार, तर हिंदु अधिवक्त्याची कुर्‍हाडीने वार करून हत्या !

Bangladesh Atrocities on Hindus : बांगलादेशामध्ये हिंदु महिलेवर सामूहिक बलात्कार, तर हिंदु अधिवक्त्याची कुर्‍हाडीने वार करून हत्या !

ढाका (बांगलादेश) – बांगलादेशात सत्तापालटानंतर महंमद युनूस पदावरून पायउतार झाले आणि पंतप्रधानपदी तारिक रहमान विराजमान झाले. तरीही देशातील हिंदु अल्पसंख्यांकांसाठी परिस्थितीत कोणताही पालट झालेला नाही. हिंदूंच्या विरोधातील हिंसाचार थांबण्याची चिन्हे दिसत नाहीत. चांदनीपूर येथे एका दिव्यांग (विकलांग) हिंदु महिलेवर सामूहिक बलात्कार झाल्याची घटना समोर आली आहे. हा गुन्हा करणारे रकीब, सोहेल आणि रसेल मोकाट फिरत असल्याचे सांगितले जात आहे. याखेरीज गायकबांधा येथे एका हिंदु अधिवक्त्याची कुर्‍हाडीने वार करून हत्या करण्यात आल्याचीही घटना घडली आहे.

१. रुग्णालयात उपचार घेत असलेल्या २५ वर्षीय पीडित हिंदु महिलेने सांगितले की, २२ फेब्रुवारीला रात्री ९ च्या सुमारास कीर्तनावरून परतत असतांना ३ मुसलमान तरुणांनी तिचे अपहरण करून तिच्यावर सामूहिक बलात्कार केला. पीडितेने पोलिसांत तक्रार प्रविष्ट केली आहे; मात्र अद्याप कुणालाही अटक झालेली नाही.

२. गायकबांधा येथे ४० वर्षीय हिंदु अधिवक्ता अमिताभ चंद्र सुजन यांची मुसलमानांनी त्यांच्या निवासस्थानी घुसून कुर्‍हाडीने वार करून हत्या केली. ‘बी.एन्.पी.’च्या विजयानंतर लगेचच ही घटना घडल्याचे सांगितले जात आहे. या घटनेनंतर कायदा आणि सुव्यवस्थेची परिस्थिती चिंताजनक असल्याचे मत व्यक्त केले जात आहे.

संपादकीय भूमिका

निवडणुका आणि त्यांचे निकाल जाहीर झाल्यानंतरही बांगलादेशात हिंदूंच्या हत्या होतच आहेत. त्यामुळे ‘हिंदूंच्या हत्या या राजकीय हत्या’ असल्याचा दावा करणारे नवनिर्वाचित पंतप्रधान तारिक रहमान यांना आता यावरून जाब विचारला पाहिजे. भारताच्या परराष्ट्र मंत्रालयाने बांगलादेश सरकारला आतातरी फैलावर घ्यावे, असे भारतातील हिंदूंना वाटते !

नूतन लेख