पुणे येथे गोवंशियांची हत्या करून मांस वाहून नेणारी चारचाकी पकडली !

पुणे – चांदे गोडेगाव (जि. अहिल्यानगर) येथील सराइत गोतस्कर मंझिर कुरेशी, सुभान कुरेशी आणि त्यांचे साथीदार गोवंशियांची कत्तल करून त्याचे मांस हडपसर-कोंढवा परिसरात विक्रीसाठी पाठवत आहेत, अशी माहिती गोरक्षकांनी मिळाली होती. त्यानुसार मुंढवा-हडपसर बायपास रस्त्यावरील ‘लक्ष्मी बजाज ऑटो शोरूम’जवळ २२ जून या दिवशी गोरक्षक आणि पोलीस यांनी तात्काळ सापळा रचून संशयित चारचाकी अडवली. त्या वेळी ‘डिक्की’मध्ये (गाडीच्या मागे सामान ठेवण्याच्या जागेमध्ये) क्रूरपणे कापलेले गोवंशियांचे अंदाजे ४५० किलो मांस, कातडी आणि पाय आढळून आले. पोलिसांची दिशाभूल करण्यासाठी आरोपींनी गाडीवर बनावट नंबर पाटी लावली होती. पोलिसांनी चारचाकी चालक आरोपी अजय शेलार याला अटक केली. हे गोमांस कोंढवा येथील सादिक इसाक कुरेशी आणि आजिम पठाण यांच्याकडे पोचवले जाणार असल्याचे समजते. या प्रकरणी गोरक्षक ऋषीकेश कामटे यांनी मुंढवा पोलीस ठाण्यात तक्रार प्रविष्ट केली असून पोलिसांनी कुरेशी आणि साथीदारांवर गुन्हा नोंदवला आहे.