Pakistan Balochistan Conflict : बलुचिस्तानमध्ये पाकिस्तानी सैन्याच्या कारवाईत ९२ जण ठार

१५ पाक सैनिकही ठार

इस्लामाबाद – पाकिस्तानच्या अशांत बलुचिस्तान प्रांतात सुरक्षादलांनी ‘बलुचिस्तान लिबरेशन आर्मी’ने (बी.एल्.ए.ने) केलेल्या आक्रमणाच्या विरोधात कारवाई केली. पाक सैन्याने दिलेल्या माहितीनुसार विविध चकमकींमध्ये किमान ९२ जण, तर पाकिस्तानचे १५ सैनिक ठार झाले.

१. पाकने संपूर्ण बलुचिस्तानमध्ये अनेक ठिकाणी शोधमोहीम राबवली. यावेळी ३ आत्मघाती आक्रमणकर्त्यांसह ९२ बलुचिस्तान्यांना ठार करण्यात आले. पंजगुर आणि हरनाई जिल्ह्यांत‘ तेहरिक ए तालिबान पाकिस्तान’ संघटनेचे ४१ आतंकवादी मारले गेले.

२. गेल्या काही वर्षांत बलुचिस्तानमध्ये हिंसाचारात मोठी वाढ झाली आहे. इस्लामाबाद येथील ‘पाक इन्स्टिट्यूट फॉर पीस स्टडीज’च्या अहवालानुसार वर्ष २०२५ मध्ये संपूर्ण पाकिस्तानमध्ये आतंकवादी आक्रमणे आणि हिंसाचार यांत ३४ टक्क्यांनी वाढ झाली असून देशभरात ६९९ आतंकवादी घटना नोंदवण्यात आल्या आहेत.