(म्हणे) ‘सध्याचे राजकारण पहाता ‘देवता आहेत का ?’ असा प्रश्न पडतो !’

राज ठाकरे यांनी तत्त्वहीन राजकारणाचा ठपका ठेवला हिंदूंच्या देवतांवर !

मुंबई – सध्या महाराष्ट्र आणि देशात ज्या प्रकारचे राजकारण चालू आहे, ते पहाता मला खरच प्रश्न पडतो की, देवीदेवता आहेत का ? आणि आहेत, तर ते केवळ हे पहात का बसले आहेत ? अशा शब्दांत मनसेचे अध्यक्ष राज ठाकरे यांनी तत्त्वहीन राजकारणाविषयी हिंदूंच्या देवतांना उत्तरदायी ठरवले. उद्धव बाळासाहेब ठाकरे पक्षाचे खासदार संजय राऊत यांनी ‘आणि एवढे देव ३३ कोटी’, असे म्हणत राज ठाकरे यांच्या बोलण्याला दुजोरा दिला.

खासदार संजय राऊत आणि ज्येष्ठ अभिनेते महेश मांजरेकर यांनी राज ठाकरे अन् उद्धव बाळासाहेब ठाकरे पक्षाचे प्रमुख उद्धव ठाकरे यांची घेतलेली मुलाखत २ दिवसांपूर्वी प्रसारित करण्यात आली आहे. या मुलाखतीमधील एका प्रश्नावर उत्तर देतांना राज ठाकरे आणि संजय राऊत यांनी वरील वक्तव्य केले. या त्यांच्या वक्तव्यावरून सामाजिक माध्यमांवरून राज ठाकरे आणि संजय राऊत यांच्यावर मोठ्या प्रमाणात टीका होत आहे.