सनातन प्रभात > Post Type > बातम्या > राष्ट्रीय बातम्या > Haribhushan Thakur  On Hijab : भारतात हिजाबवर बंदी घालणे आवश्यक ! – हरिभूषण ठाकूर बचौल, नेते, भाजप

Haribhushan Thakur  On Hijab : भारतात हिजाबवर बंदी घालणे आवश्यक ! – हरिभूषण ठाकूर बचौल, नेते, भाजप

(हिजाब म्हणजे मुसलमान महिलांनी डोके आणि मान झाकण्यासाठी वापरलेले वस्त्र)

हरिभूषण ठाकूर बचौल

पाटलीपुत्र (बिहार) – शहरात नियुक्तीपत्रांचे वाटप करत असतांना मुख्यमंत्री नितीश कुमार यांनी एका महिला डॉक्टरचा हिजाब काढण्याचा प्रयत्न केला होता. त्यानंतर त्यांच्यावर टीका होत आहे. या पार्श्वभूमीवर भाजपने नितीश कुमार यांना पठिंबा दिला आहे. भाजपचे ज्येष्ठ नेते हरिभूषण ठाकूर बचौल यांनी म्हटले आहे की, सार्वजनिक ठिकाणी आणि सरकारी नोकर्‍या येथे हिजाबवर बंदी घालण्यात यावी. यासह हिजाबवर पूर्ण भारतात बंदी घातली पाहिजे. केंद्रीय मंत्री गिरिराज सिंह यांनीही नितीश कुमार यांना पाठिंबा देत म्हटले की, मुख्यमंत्री नितीश कुमार यांनी कोणतीही चूक केली नाही. भारत हा काही इस्लामी देश नाही. भारतात कायद्याचे राज्य आहे. नितीश कुमार यांनी योग्यच केले.

हरिभूषण ठाकूर बचौल म्हणाले की,

१. हिजाबच्या नावाखाली केवळ आतंकवाद फोफावत आहे. आतंकवादी आक्रमणे करून आतंकवादी हिजाब घालून पळून जातात. ज्यांना हिजाब घालायचा आहे, त्यांनी पाकिस्तानात जावे.

२. हिजाब घालून नियुक्तीपत्र घेण्यासाठी आलेल्या महिला डॉक्टरने बिहार सोडले पाहिजे. ती चेहरा लपवून नियुक्तीपत्र घेण्यासाठी गेली होती.

(म्हणे) ‘हिंदू आणि मुसलमान यांच्यात वाद भडकवण्याचा प्रयत्न ! – राष्ट्रीय जनता दल

बचौल यांच्या वक्तव्यानंतर बिहारमधील वातावरण तापले आहे. राष्ट्रीय जनता दलाचे नेते मुकेश कुमार रोशन यांनी बचौल यांच्यावर निशाणा साधत म्हटले की, ते हिंदू आणि मुसलमान यांच्यात वाद भडकवण्याचा प्रयत्न करत आहेत. त्यांना तात्काळ अटक करा.

नूतन लेख