सनातन प्रभात > Post Type > बातम्या > आंतरराष्ट्रीय बातम्या > Hijab Row : (म्हणे) ‘भारतात मुसलमान समुदायाविरुद्ध द्वेष वाढत आहे !’ – Pakistan

Hijab Row : (म्हणे) ‘भारतात मुसलमान समुदायाविरुद्ध द्वेष वाढत आहे !’ – Pakistan

बिहारचे मुख्यमंत्री नितीश कुमार यांनी महिलेचा हिजाब काढल्याच्या घटनावर पाकचे विधान

(हिजाब म्हणजे मुसलमान महिलांचे डोके आणि मान झाकण्याचे वस्त्र)
(नकाब म्हणजे चेहरा झाकण्याचे जाळी असलेले वस्त्र)
(बुरखा म्हणजे संपूर्ण शरीर झाकण्याचे वस्त्र)

पाकिस्तानच्या परराष्ट्र मंत्रालयाचे प्रवक्ते ताहीर हुसेन अंद्राबी

इस्लामाबाद (पाकिस्तान) : एका वरिष्ठ नेत्याने मुसलमान महिलेचा बलपूर्वक हिजाब काढणे अत्यंत चुकीचे आहे. भारतात मुसलमान समुदायाविरुद्ध द्वेष वाढत आहे. अशा घटनांमुळे भारतात मुसलमान महिलांच्या अपमानाला सामान्य बनवण्याचा धोका निर्माण होतो. तसेच मुसलमानांबद्दल असहिष्णुतेला प्रोत्साहन मिळते, अशी प्रतिक्रिया पाकिस्तानच्या परराष्ट्र मंत्रालयाचे प्रवक्ते ताहीर हुसेन अंद्राबी यांनी पत्रकार परिषदेत  व्यक्त केली.

बिहारमध्ये आयुष डॉक्टरांना नियुक्तीपत्र वाटप करतांना मुख्यमंत्री नितीश कुमार यांनी महिला डॉक्टर नुसरत यांना हिजाबबद्दल विचारले आणि नंतर स्वतः त्यांचा हिजाब काढला होता. यावरून पाकने वरील प्रतिक्रिया व्यक्त केली. त्यापूर्वी पाकमधील कुख्यात गुंड भाटी यानेही नितीश कुमार यांना धमकी दिली होती. त्यानंतर नितीश कुमार यांच्या सुरक्षेत वाढ करण्यात आली आहे.

संपादकीय भूमिका

  • पाकिस्तानमध्ये गेल्या ७८ वर्षांत हिंदूंचा वंशसंहार होत असून वर्ष १९४७ मध्ये  १४ टक्के असणारे हिंदू आता केवळ १ टक्काच राहिले आहेत. याविषयी पाक कधी बोलणार ? आणि भारत पाकला यावरून कधी जाब विचारणार ?
  • भारतात आता पाश्चात्त्य देशांप्रमाणेच सार्वजनिक ठिकाणी हिजाब, नकाब, बुरखा घालण्यावर बंदी घातली पाहिजे !

नूतन लेख