मनसे चित्रपट कर्मचारी सेनेकडून आंदोलन

साधुग्राम येथील वृक्षतोड प्रकरण

नाशिक – पार्थ पवारांसारखे तपोवनातील झाडांनाही क्षमा करा. येथील एकाही झाडाच्या फांदीला हात लावता कामा नये, अशी चेतावणी देत मनसे चित्रपट कर्मचारी सेनचे प्रमुख अमेय खोपकर यांनी नाशिकच्या तपोवनातील वृक्षतोडीच्या विरोधात आक्रमक पवित्रा घेतला. या आंदोलनात मनसे प्रभावित विविध कलाकार आणि कार्यकर्ते सहभागी झाले होते. अभिनेत्री सायली संजीव या वेळी उपस्थित होती.

अभिनेते संतोष जुवेकर या वेळी म्हणाले की, निसर्गापुढे कुणी मोठे नाही. त्यामुळे सरकारने निर्णय पालटावा.

१५ सहस्र वृक्षारोपणासाठी अयोग्य पद्धतीने खोदले खड्डे

आंध्रप्रदेशाहून ५ फुटांचे वृक्ष नाशिक येथे लावण्यासाठी येणार आहेत. वृक्ष लागवडीसाठी आवश्यक खोली आणि २  खड्ड्यांत  येथे योग्य अंतर ठेवलेले नाही. हे लक्षात आल्यावर कुंभपर्व मंत्री गिरीश महाजन यांनी हे खड्डे खोदण्याचे काम थांबवायला सांगितले. त्यांनी उद्यान अधिकार्‍यांना याविषयी खडसावले.