गुरुकृपेने तुमचे जीवन कृतार्थ सफल होवो ।

श्रीचित्‌शक्ति (सौ.) अंजली मुकुल गाडगीळ यांच्या वाढदिवसाच्या निमित्ताने त्यांच्याविषयी त्यांची बहीण सौ. सुवर्णा गोगटे यांच्या सासूबाई श्रीमती वर्षा गोगटे (वय ७३ वर्षे, आध्यात्मिक पातळी ६२ टक्के) यांनी व्यक्त केलेले काव्यमय मनोगत येथे देत आहोत.

उदात्त हेतूने तुम्ही घेतले धर्मप्रसार कार्य हाती ।
तुमच्या योगे अवघ्या विश्वास कळली सनातन धर्ममहती ।। १ ।।

अवतरली जणु सिद्धिलक्ष्मी ही मुद्रा तेजांकित ।
उदंड उत्साह अन् कार्यशक्तीने मति होते कुंठित ।। २ ।।

सकल जनांना सामावून घेता तुम्ही सागरापरी ।
अखंड कृपादृष्टी राहो सर्व साधकांवरी ।। ३ ।।

अचूक नियोजन अन् सामर्थ्याने कार्यसिद्धी होते ।
सत्संगाने तुमच्या मन धन्य धन्य होते ।। ४ ।।

मार्गदर्शन मोलाचे करते तुमची स्नेहमयी दृष्टी ।
जशी माय लेकरावरी करते वात्सल्य प्रेमवृष्टी ।। ५ ।।

अखंड निजध्यासाने तुमचे इच्छित साध्य होवो ।
गुरुकृपेने तुमचे जीवन कृतार्थ सफल होवो ।। ६ ।।

हीच ईश्वरचरणी प्रार्थना !

– श्रीमती वर्षा गोगटे, सांगली (३०.११.२०२५)