राज्यातील प्रत्येक महाविद्यालयाने प्रवेश शुल्काचे फलक दर्शनी भागात लावावेत !

   पुणे – राज्यातील सर्वच महाविद्यालयांना त्यांच्या प्रवेश शुल्काची सविस्तर माहिती दर्शनी भागातील सूचना फलकावर लावणे बंधनकारक असेल. विद्यार्थ्यांकडून कोणत्याही प्रकारचे अतिरिक्त शुल्क आकारले जाऊ नये, असे निर्देश उच्च आणि तंत्र शिक्षण मंत्री चंद्रकांत पाटील यांनी सर्व महाविद्यालयांना दिले आहेत. प्रवेश प्रक्रियेच्या वेळी पालक आणि विद्यार्थी यांची आर्थिक हानी होऊ नये, हा या निर्णयामागील हेतू आहे.१. प्रवेशास इच्छुक विद्यार्थ्यांनीही महाविद्यालयांमध्ये प्रवेश घेतांना विद्यापीठ किंवा शुल्क नियामक प्राधिकरणाच्या नियमानुसार आणि मान्यतेनुसार ठरवलेले प्रवेश शुल्क भरावे.

२. महाविद्यालयांनी प्रवेश शुल्काची माहिती सूचना फलक आणि माहिती पुस्तिकेत दिलेली आहे किंवा नाही याची निश्चिती करण्याचे दायित्व संबंधित विद्यापीठ अन् विभागीय सहसंचालक यांची राहील.

३. महाविद्यालयांकडून आवश्यक ती कार्यवाही होत नसल्यास महाविद्यालयांचे वेतन थांबवण्याचेही निर्देश विभागीय सहसंचालकांना दिले आहेत.

४. राज्यातील एकूण १ सहस्र २३९ अनुदानित महाविद्यालयांपैकी १ सहस्र २२७ महाविद्यालयांनी दर्शनी भागात शुल्काचे फलक लावलेले आहेत.