Illegal Loudspeakers Turbhe : तुर्भे येथील अवैध मशिदीवरील भोंग्यांवर पोलिसांची कारवाई !

विश्व हिंदु परिषद आणि बजरंग दल यांनी केलेल्या पाठपुराव्याचा परिणाम

नवी मुंबई, २३ नोव्हेंबर (वार्ता.) – तुर्भे नाका येथील अवैध मशिदीवरील भोंग्यांवर तुर्भे पोलिसांनी कारवाई केली आहे. या कारवाईसाठी विश्व हिंदु परिषद आणि बजरंग दल यांनी पाठपुरावा केला. बजरंग दलाचे जिल्हा संघटक तेजस पाटील यांच्या तक्रारीनंतर तुर्भे पोलिसांनी ‘दारू सलाम’ या मशिदीवरील भोंगे उतरवण्याची कायदेशीर कारवाई केली आहे.

🚨 Justice Served in Navi Mumbai! 🚨

After persistent follow-up from VHP and Bajrang Dal, police finally took action against illegal loudspeakers fitted on an unauthorized mosque in Turbhe, Navi Mumbai. 🔊🚫

Shameful that even after the Bombay High Court ordered action against… pic.twitter.com/mKFTvTI71c

— Sanatan Prabhat (@SanatanPrabhat) November 24, 2025

१. तुर्भे नाका परिसरात ‘दारू सलाम’ ही अनधिकृत मशीद बांधण्यात आली आहे. या मशिदीवर लावलेल्या भोंग्यांमुळे स्थानिक नागरिकांना प्रचंड मानसिक त्रास सहन करावा लागत होता. भोंगे आवाजाच्या निर्धारित मर्यादेपेक्षा अधिक आवाजात दिवसातून ५ वेळा वाजत होते. हा परिसर दाट लोकवस्तीचा असून या ठिकाणी अनेक ज्येष्ठ नागरिक वास्तव्यास आहेत. तसेच जवळ रुग्णालये असल्याने रुग्णांनाही या ध्वनीप्रदूषणाचा मोठा त्रास होत होता.

२. या समस्येविरोधात विश्व हिंदु परिषद अंतर्गत बजरंग दल, नवी मुंबई यांच्या वतीने तुर्भे पोलीस ठाण्यात वारंवार तक्रारी प्रविष्ट (दाखल) करण्यात आल्या होत्या.

३. गेल्या अनेक महिन्यांपासून कार्यकर्ते सातत्याने पाठपुरावा करत होते.

४. पोलिसांकडून या कारवाईसंदर्भात अधिकृत पत्रदेखील प्राप्त झाले आहे. या कारवाईमुळे परिसरातील ध्वनीप्रदूषणाचा त्रास अल्प होणार असून स्थानिक नागरिक आणि रुग्ण यांनी सुटकेचा नि:श्वास सोडला आहे.