सनातन प्रभात > Post Type > बातम्या > राष्ट्रीय बातम्या > S P Vaid Delhi Blasts : माता वैष्णोदेवीच्या भक्तांच्या दानातून डॉक्टर झाले, त्याच देवीच्या भक्तांना ठार केले !

S P Vaid Delhi Blasts : माता वैष्णोदेवीच्या भक्तांच्या दानातून डॉक्टर झाले, त्याच देवीच्या भक्तांना ठार केले !

जम्मू-काश्मीरचे माजी पोलीस महासंचालक एस्.पी. वैद यांची स्फोटावर प्रतिक्रिया  

एस्.पी. वैद

जम्मू – माता वैष्णोदेवीच्या भक्तांच्या दानातून डॉक्टर झालेल्या आतंकवाद्यांनीच त्याच देवीच्या भक्तांना ठार केले, अशा शब्दांत जम्मू-काश्मीरचे माजी पोलीस महासंचालक एस.पी. वैद यांनी प्रतिक्रिया व्यक्त केली.

वैद यांनी ‘एक्स’वर केलेल्या लिखाणात म्हटले की, देहलीतील स्फोटाचा संशयित डॉ. उमर नबी काश्मीरच्या पुलवामाचा रहिवासी होता. काश्मीरमध्ये ‘डॉक्टर’ ही सर्वाधिक प्रतिष्ठेची व्यावसायिक पदवी मिळूनही तो आत्मघातकी आतंकवादी बनला. कथितपणे कटरा येथील वैद्यकीय महाविद्यालयातील अनुमाने ७० टक्के जागा काश्मिरी (मुसलमान) विद्यार्थ्यांसाठी राखीव होत्या. डॉक्टर पदावर पोचूनही आत्मघातकी होणे, हे अत्यंत दुःखद आहे.

माता वैष्णोदेवीच्या भक्तांच्या देणगीतून उभे झालेले महाविद्यालय !

कटरा वैद्यकीय महाविद्यालयाला ‘श्री माता वैष्णोदेवी श्राइन बोर्ड’कडून आर्थिक साहाय्य दिले जाते. हे संपूर्ण व्यवस्थापन, महाविद्यालयासह मंदिरात येणार्‍या हिंदु यात्रेकरूंच्या देणगीतून चालते. याच संस्थेतून डॉ. मुजम्मिल, डॉ. उमर नबी यांसारख्यांनी शिक्षण घेतले होते. आताही महाविद्यालयाच्या घोषित झालेल्या प्रवेश सूचीमध्ये ४२ मुसलमान, तर केवळ ८ हिंदु विद्यार्थ्यांचे नाव आहे.

संपादकीय भूमिका

देशात हिंदूंच्याच पैशांतून मुसलमानांना विविध अनुदान दिले जाते. मदरशांनाही हिंदूंच्याच पैशातून निधी दिला जातो. पूर्वी हज यात्रेसाठी अनुदान दिले जात होते. जम्मू-काश्मीरवर अन्य राज्यांच्या तुलनेत सर्वाधिक पैसा केंद्र सरकारकडून दिला जातो. या सर्वांच्या बदल्यात हिंदूंना मृत्यू मिळतो, देशद्रोह मिळतो, मंदिरांवर आक्रमणे मिळतात ! हिंदूंनी आता याविरोधात आवाज उठवणे आवश्यक झाले आहे !

नूतन लेख