देवद (पनवेल) येथील सनातनच्या आश्रमातील परात्पर गुरु पांडे महाराज यांच्या खोलीत रात्री झोपल्यावर थंडगार वाटून चैतन्य जाणवणे

‘१३.४.२०२५ या दिवसापासून मला देवद (पनवेल) येथील सनातनच्या आश्रमातील परात्पर गुरु पांडे महाराज यांच्या खोलीत रात्री झोपण्याची संधी मिळाली.

(परात्पर गुरु पांडे महाराज विद्यमान (हयात) असतांना ते ज्या खोलीत रहात होते, ती खोली त्यांच्या चैतन्याने भारित झाली आहे. आता त्या खोलीत साधक नामजपादी उपाय करण्यासाठी बसतात आणि आध्यात्मिक स्तरावरील उपायांसाठी तेथे रात्री साधिका झोपतात.) त्या खोलीत झोपल्यावर मला रात्रभर थंडगार वाटत होते; मात्र सकाळी मी माझ्या निवासाच्या खोलीत गेल्यावर मला तेथे उष्णतेच्या वाफा जाणवल्या. परात्पर गुरु पांडे महाराज यांच्या चैतन्यामुळे त्यांच्या खोलीत गारवा निर्माण झाला आहे. त्यामुळे मला तेथे थंडगार वाटले आणि पुष्कळ चैतन्यही जाणवले.

‘सच्चिदानंद परब्रह्म डॉ. आठवले यांच्या कृपेमुळे मला आध्यात्मिक स्तरावरील उपायांसाठी परात्पर गुरु पांडे महाराज यांच्या खोलीत झोपण्याची संधी मिळाली आणि तेथील चैतन्य अनुभवता आले’, यासाठी त्यांच्या चरणी कोटीशः कृतज्ञता !’

– सौ. विमल गरुड, सनातन आश्रम, देवद, पनवेल. (१५.४.२०२५)

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक