जैन मुनी नीलेश चंद्र विजय यांचे ३ नोव्हेंबरपासून मुंबईत आमरण उपोषण !

कबुतरखान्यांवर बंदी घालण्याच्या निर्णयाला विरोध !

मुंबई – येथील कबुतरखान्यांवर बंदी घालण्याच्या विरोधात जैन मुनी नीलेश चंद्र विजय यांच्या नेतृत्वाखाली येत्या ३ नोव्हेंबरपासून मुंबईतील आझाद मैदानात आमरण उपोषण करण्याचा निर्णय घेण्यात आला आहे. मुनी नीलेश चंद्र विजय यांनी १ नोव्हेंबरपासून उपोषण चालू करणार असल्याची घोषणा केली होती; मात्र मुंबई पोलिसांनी आंदोलनाला अनुमती नाकारली. त्यामुळे ३ नोव्हेंबरपासून आंदोलन करण्यात येईल.

१ नोव्हेंबर हा सुटीचा दिवस असल्याने कायदा-सुव्यवस्था राखणे अधिक आव्हानात्मक ठरू शकते, तसेच याच दिवशी महाराष्ट्र नवनिर्माण सेना (मनसे) आणि महाविकास आघाडी यांनीही मतदारसूची दुरुस्त करण्याच्या मागणीसाठी मोर्चाचे आयोजन केले आहे. एकाच दिवशी दोन मोठ्या राजकीय पक्षांचे मोर्चे आणि जैन समाजाचे आंदोलन यांमुळे अनुचित प्रकार घडू नये, यासाठी दक्षतेचा उपाय म्हणून ही अनुमती नाकारण्यात आली.

🕊️ Jain Muni Nilesh Chandra Vijay to begin indefinite fast in Mumbai from Nov 3

Opposing the ban on pigeon shelters, the Muni has listed key demands 👇

1️⃣ Feeding pigeons is part of Jain Ahimsa tradition — HC’s ban has led to many pigeon deaths.

2️⃣ Ensure security of Jain… pic.twitter.com/WxbO9A0rNq

— Sanatan Prabhat (@SanatanPrabhat) October 28, 2025