सनातन प्रभात > Post Type > बातम्या > आंतरराष्ट्रीय बातम्या > Trump Diwali Celebration : डॉनल्ड ट्रम्प यांनी व्हाईट हाऊसमध्ये साजरी केली दिवाळी !

Trump Diwali Celebration : डॉनल्ड ट्रम्प यांनी व्हाईट हाऊसमध्ये साजरी केली दिवाळी !

पंतप्रधान मोदी यांना दूरभाष करून दिल्या शुभेच्छा !

व्हाईट हाऊसमध्ये दिवाळी साजरी करताना ट्रम्प

वॉशिंग्टन (अमेरिका) – थोड्याच वेळात, आपण एक दिवा लावू, जो अंधारावर प्रकाशाचा, अज्ञानावर ज्ञानाचा आणि वाईटावर चांगल्याचा विजय दर्शवतो. हे आपल्याला नेहमी ज्ञानाच्या मार्गावर चालण्याची आणि परिश्रमपूर्वक काम करण्याची आठवण करून देते, अशा शब्दांत अमेरिकेचे राष्ट्राध्यक्ष डॉनल्ड ट्रम्प यांनी व्हाईट हाऊसमध्ये दिवाळी साजरी करतांना शुभेच्छा दिल्या. त्यांनी पंतप्रधान नरेंद्र मोदी यांनाही दूरभाष करून दिवाळीच्या शुभेच्छा दिल्या. या कार्यक्रमाला ‘फेडरल ब्युरो ऑफ इन्व्हेस्टिगेशन’चे (एफ्.बी.आय.चे) संचालक काश पटेल, गुप्तचर संचालक तुलसी गॅबार्ड, व्हाईट हाऊसचे उपमाध्यम सचिव कुश देसाई, भारतातील अमेरिकेचे राजदूत सर्जियो गोर आणि अमेरिकेतील भारतीय राजदूत विनय मोहन क्वात्रा यांच्यासह अनेक वरिष्ठ अमेरिकी प्रशासन अधिकारी उपस्थित होते.

ट्रम्प म्हणाले की, मी पंतप्रधान मोदी यांच्याशी दूरभाषवर चर्चा केली. आम्ही व्यापार आणि प्रादेशिक शांततेवर चर्चा केली. भारत आणि पाकिस्तान यांच्यामध्ये युद्ध नाही, हे खूप छान आहे. मोदी एक महान व्यक्ती आहेत आणि गेल्या काही वर्षांत ते माझे चांगले मित्र बनले आहेत.

पंतप्रधान मोदी यांनी ट्रम्प यांना दिवाळीच्या शुभेच्छा दिल्याबद्दल त्यांचे आभार मानण्यासाठी ‘एक्स’वर पोस्ट करत म्हटले की, राष्ट्रपती ट्रम्प, तुमच्या दूरभाषसाठी आणि दिवाळीच्या संदेशाबद्दल धन्यवाद. प्रकाशाच्या या सणानिमित्त आपल्या दोन महान लोकशाही देशांची भागीदारी जगासाठी आशेचा किरण बनो आणि सर्व प्रकारच्या आतंकवादाविरुद्ध एकत्र उभे राहो.

  • काश पटेल यांनी दिलेल्या शुभेच्छांवरून अनेकांची टीका

  • (म्हणे) ‘सर्व हिंदूंना अमेरिकेतून हद्दपार केले पाहिजे !’
काश पटेल

फेडरल ब्युरो ऑफ इन्व्हेस्टिगेशनचे (एफ्.बी.आय.चे) संचालक काश पटेल यांनी ‘एक्स’वर पोस्ट करत दिवाळीच्या शुभेच्छा दिल्या. त्यावर अनेकांनी टीका करत लिहिले, ‘सर, कृपया अमेरिकेत तुम्ही विदेशातील उत्सवांना प्रोत्साहन देऊ नका. हा उत्सव इथला नाही, कृपया तो इथे आणण्याचा प्रयत्न थांबवा. अमेरिका हा ख्रिस्ती देश आहे. तुम्हाला हे ठाऊक नाही का? सर्व हिंदूंना इथून हद्दपार केले पाहिजे.’ (अशी मागणी करणारे कोण असणार ? हे वेगळे सांगायला नको. अमेरिकेतून धर्मांधांना, जिहाद्यांना, खलिस्तान्यांना हाकलून लावा, अशी मागणी कुणी कधी करत नाही, हे लक्षात घ्या ! – संपादक)

नूतन लेख