सनातन प्रभात > Post Type > बातम्या > राष्ट्रीय बातम्या > Sonam Wangchuk Arrest : सोनम वांगचुक यांच्यासह २ नेपाळी नागरिकांना अटक !

Sonam Wangchuk Arrest : सोनम वांगचुक यांच्यासह २ नेपाळी नागरिकांना अटक !

  • लेह (लडाख) येथे चालू असलेल्या संघर्षाचे प्रकरण

  • वांगचुक यांनी लेहमधील संघर्षाची तुलना नेपाळच्या ‘जेन-झी’च्या आंदोलनाशी करत स्थानिक तरुणांना दिली होती चिथावणी !

          (‘जेन-झी’ म्हणजे वर्ष १९९६ ते २०१० या कालावधीच जन्मलेली पिढी)
सोनम वांगचुक

लेह (लडाख) – येथे काही दिवसांपासून चालू असलेल्या हिंसाचारी आंदोलनात नुकतेच पोलिसांवर आक्रमण केल्याच्या प्रकरणी २ नेपाळी नागरिकांना अटक करण्यात आली आहे. यासमवेतच चिथावणीखोर भाषण करणारे पर्यावरणवादी आणि नेते सोनम वांगचुक यांना २६ सप्टेंबरच्या दुपारी अटक करण्यात आली. लेह येथील आंदोलनाची तुलना नेपाळच्या ‘जेन-झी’च्या आंदोलनाशी केली होती. या प्रकरणी आतापर्यंत अनुमाने ६० जणांना अटक करण्यात आली आहे. या आंदोलनात नेपाळी लोकांच्या सहभाग असल्याचे आढळून आल्यामुळे या हिंसाचारामागे विदेशी शक्तींचा हात असल्याचे उघड आले आहे.

वांगचुक यांच्या अशासकीय संस्थेची विदेशी निधी मिळवण्याची अनुज्ञप्ती रहित !

१. २५ सप्टेंबरला त्यांच्या अशासकीय संस्थेला ‘विदेशी योगदान (नियमन) कायदा’, म्हणजेच ‘फॉरिन कॉन्ट्रिब्यूशन (रेग्युलेशन) ॲक्ट’ (एफ्.सी.आर्.ए.) अंतर्गत विदेशी निधी मिळवण्याची अनुज्ञप्ती रहित करण्यात आली.

२. २४ सप्टेंबरला वांगचुक यांनी आंदोलन मागे घेत म्हटले होते की, लेहमधील निदर्शने ही ‘जेन-झी क्रांती’ असून बेरोजगारी, तसेच लोकशाहीतील अधिकार हिरावले जात असल्याने तरुण संतप्त झाले आहेत.

आंदोलनात झाला होता हिंसाचार !

आंदोलनामुळे चालू असलेला हिंसाचार अटोक्यात आणण्यासाठी पोलिसांनी केलेल्या गोळीबारात ४ जणांचा मृत्यू झाला, तर किमान ५० जण घायाळ झाले होते. आंदोलकांनी लेहमधील भाजपच्या कार्यालयालाही आग लावली होती. ‘लडाखला राज्याचा दर्जा मिळावा’, या मागणीसाठी गेल्या ३५ दिवसांपासून उपोषण करणारे वांगचुक यांनी २४ सप्टेंबरला त्यांचे उपोषण मागे घेतले होते.

नूतन लेख