सनातन प्रभात > Post Type > बातम्या > आंतरराष्ट्रीय बातम्या > LeT Admits OperationSindoor : ‘ऑपरेशन सिंदूर’मध्ये लष्कर-ए-तोयबाचे मुख्यालय उद्ध्वस्त

LeT Admits OperationSindoor : ‘ऑपरेशन सिंदूर’मध्ये लष्कर-ए-तोयबाचे मुख्यालय उद्ध्वस्त

  • जैश-ए-महंमदच्या आतंकवाद्यानंतर आता लष्कर-ए-तोयबाच्या आतंकवाद्याची स्वीकृती

  • आतंकवाद्यांकडून मुख्यालयाचे पुन्हा बांधकाम
जैश-ए-महंमदचा आतंकवादी कासिम आणि मुरीदके येथील त्यांचे प्रशिक्षण तळ

इस्लामाबाद (पाकिस्तान) – जैश-ए-महंमदच्या आतंकवाद्याने मान्य केल्यानंतर आता लष्कर-ए-तोयबाच्या आतंकवाद्यानेही भारताच्या ‘ऑपरेशन सिंदूर’मध्ये पाकमधील मुरीदके येथील त्यांचे प्रशिक्षण तळ नष्ट झाल्याची स्वीकृती एका व्हिडिओद्वारे दिली. कासिमच्या या स्वीकृतीमुळे पाकिस्तानचा खोटा मुखवटा उतरला आहे. पाकिस्तान दावा करत होता की, या इमारतीचा वापर आतंकवादी संघटना करत नाहीत.

या व्हिडिओमध्ये कासिम एका बांधकाम चालू असलेल्या ठिकाणी उभा राहिला आहे. तो म्हणतो की, ७ मेच्या सकाळी झालेल्या आक्रमणात मुरीदके येथील मुख्यालय उद्ध्वस्त झाले होते. मी मुरीदके येथील मरकज तोयबाच्या अवशेषांवर उभा आहे, जे आक्रमणात नष्ट झाले. याचे पुनर्निर्माण चालू आहे. अल्लाच्या कृपेने ही मशीद आधीपेक्षा फार मोठी उभी राहील. अल्ला तिला आपल्या अनुयायांसाठी समृद्ध करो.

कासिम पुढे हेही मान्य करतो की, या मशिदीत अनेक आतंकवादी आणि विद्यार्थी यांना प्रशिक्षण मिळाले आणि त्यांनी विजयही मिळवला.

कासिम याचे आतंकवाद्यांच्या भरतीसाठी आवाहन

कासिमचा आणखी एक व्हिडिओ प्रसारित झाला आहे, ज्यात तो पाकिस्तानी युवकांना मुरीदके येथील मरकज तोयबामध्ये दौरा-ए-सुफ्फा या कार्यक्रमात सहभागी होण्याचे आवाहन करतो. दौरा-ए-सुफ्फा हा आतंकवादी प्रशिक्षण कार्यक्रम आहे, ज्यामध्ये जिहादी प्रशिक्षण दिले जाते.

संपादकीय भूमिका

  • पाकने कितीही नाकारले, तरी पाकचेच आतंकवादी उघडपणे भारताने त्यांच्यावर केलेल्या कारवाईची माहिती देत आहेत. यातून भारताने जागतिक समुदायावर दबाव आणून पाकला आतंकवादी देश घोषित करण्यासाठी प्रयत्न केला पाहिजे !
  • पुन्हा मुख्यालय बांधून तेथून भारतविरोधी कारवाया चालू होण्यापूर्वी भारताने पाकमधील आतंकवाद मुळासकट नष्ट करण्यासाठी पावले उचलली पाहिजेत !

नूतन लेख