भारत-रशियाला आम्ही चीनच्या हातात गमावून बसलो ! – डॉनल्ड ट्रम्प

वॉशिंग्टन (अमेरिका) – अमेरिकेचे राष्ट्राध्यक्ष डॉनल्ड ट्रम्प यांनी जगभरातील देशांविरुद्ध आक्रमक भूमिका स्वीकारली होती; मात्र त्यांना आता त्यांच्या निर्णयांचा पश्चात्ताप होतांना दिसत आहे. आयात शुल्क युद्धाच्या या कालावधीत चीनमध्ये झालेल्या शांघाय सहकार्य संघटनेच्या शिखर परिषदेच्या वेळी समोर आलेल्या चित्रांमुळे ट्रम्प नरमले आहेत, असे म्हटले जात आहे. ट्रम्प यांनी ५ सप्टेंबरला म्हटले की, आपण भारत आणि रशिया यांना चीनच्या हातात गमावले आहे.

ट्रम्प यांनी पोस्टमध्ये एक छायाचित्र प्रसारित केले आहे. यात व्लादिमिर पुतिन, पंतप्रधान नरेंद्र मोदी आणि शी जिनपिंग दिसत आहेत. या पोस्टमध्ये त्यांनी लिहिले की, आपण भारत आणि रशिया यांना खोल आणि अंधकारमय चीनसमोर गमावले आहे. देव त्यांना दीर्घ आणि समृद्ध भविष्य देवो.