Aligarh Muslim Teacher Arrested : मुख्याध्यापक शकील अहमद याने केले ११ वर्षीय हिंदु मुलीचे लैंगिक शोषण !

अलीगड (उत्तरप्रदेश) : येथील एका सरकारी शाळेचा मुख्याध्यापक शकील अहमद याने ११ वर्षांच्या हिंदु मुलीवर लैंगिक अत्याचार केल्याचे समोर आले आहे. शकीलने त्याच्या शाळेतील सातवीत शिकणार्‍या या मुलीवर विवाह करण्यासाठी दबाव आणण्यासही आरंभले होते. तो तिच्या गुप्तांगांना स्पर्श करत असे. मुलीने विरोध केला, तर तिला नापास करण्याची तो धमकी देत असे. या प्रकरणी पोलिसांनी मुख्याध्यापकाला अटक केली आहे.

१. २३ ऑगस्टला मुलगी दुःखी आणि अस्वस्थ अवस्थेत शाळेतून घरी परतली. जेव्हा आई घाबरलेल्या मुलीकडे गेली आणि तिची विचारपूस केली, तेव्हा तिने तिच्यासमवेत घडलेला प्रकार रडत रडत सांगितला.

२. कुटुंबियांनी या प्रकरणी त्वरित पोलिसात तक्रार केली. त्यात पीडित मुलीने म्हटले आहे की, शाळेचे मुख्याध्यापक शकील अहमद मला वाईट हेतूने पकडतात आणि माझ्या गुप्तांगांना स्पर्श करतात. ते माझ्या गुप्तांगात बोटही घालतात. जेव्हा मी त्यांना विरोध करते, तेव्हा ते मला धमकी देतात आणि म्हणतात की, ‘जर मी कुणाला काही सांगितले, तर ते मला परीक्षेत नापास करीन.’ अल्पवयीन पीडिता पुढे सांगते की, मुख्याध्यापक म्हणतात की, ते माझ्यावर खूप प्रेम करतात आणि माझ्याशी विवाह करू इच्छितात.

३. प्रकरण समोर आल्यानंतर संतप्त ग्रामस्थांनी पोलीस ठाण्यात गोंधळ घातला. यानंतर पोलिसांनी मुख्याध्यापक शकील अहमद याला अटक केली आहे.

४. शकील याला निलंबित करण्यात आले आहे. आरोपीच्या विरुद्ध सविस्तर चौकशी चालू असून बडतर्फ करण्याची कारवाईही केली जाईल, असे शाळा व्यवस्थापनाने सांगितले आहे.