हिंदुत्व हे काही भाजपचे बटीक नाही ! – प्रकाश महाजन, मनसे नेते

छत्रपती संभाजीनगर – हिंदुत्व हे काही भाजपचे बटीक नाही. त्यावर कुणाचा ‘कॉपीराईट’ (स्वत्वाधिकार) नाही. ती स्वतंत्र देवता आणि कल्पना आहे, त्याच्यावर सर्वांचा अधिकार आहे. भाजपचे लोक पतपेढीच्या निवडणुकीत हिंदुत्व आणत आहेत. आता सांगत आहेत की, आता ‘हिंदुत्व’च चालणार. मग आम्ही कोण आहोत ? असा प्रश्न प्रकाश महाजन यांनी भाजपचे प्रवक्ते प्रकाश बन यांच्या वक्तव्यानंतर केला आहे.

मनसे प्रवक्ते प्रकाश महाजन म्हणाले की,

१. भाजपचे लोक आजही जाहीर म्हणत नाहीत की, आम्ही बाबरी मशीद पाडली. मग तुम्ही हिंदुत्वाचा दावा कसा करत आहात ? हिंदुत्वावर सर्वांचा दावा आहे.

२. मनसेप्रमुख राज ठाकरे यांनी मुख्यमंत्री देवेंद्र फडणवीस यांची भेट घेतली, त्याकडे राजकीय दृष्टीने पहाण्याची काही आवश्यकता नाही. ‘बेस्ट पतपेढी’चा निकाल आदल्या दिवशी लागला आणि दुसर्‍या दिवशी भेट म्हणजे विशेष काही नाही.