सनातन प्रभात > Post Type > बातम्या > आंतरराष्ट्रीय बातम्या > Jihadi Slogans Dhaka Mosque :  बांगलादेशातील मशिदीसमोर मुसलमानांनी उघडपणे दिल्या जिहादच्या समर्थनार्थ घोषणा !

Jihadi Slogans Dhaka Mosque :  बांगलादेशातील मशिदीसमोर मुसलमानांनी उघडपणे दिल्या जिहादच्या समर्थनार्थ घोषणा !

‘बांगलादेशात काफिरांना जागा नाही’, अशाही दिल्या घोषणा

ढाका (बांगलादेश) – शहरातील ‘राष्ट्रीय मशीद’ म्हणून ओळखली जाणारी बैतुल मुकर्रम या मशिदीच्या परिसरात हिज्ब उत-तहरीर, विलायाह बांगलादेश, अंसार अल्-इस्लाम आणि जमात-ए-इस्लामी यांसारख्या कट्टरतावादी इस्लामी जिहादी संघटनांच्या सदस्यांनी उघडपणे ‘जिहाद’च्या समर्थनार्थ घोषणा दिल्या.

त्यासमवेत त्यांनी स्वतःला ‘जिहादी’ संबोधले. या जिहादी गटांचे सदस्य विविध जिल्ह्यांतून आले होते. त्यांनी नमाजानंतर मशिदीबाहेर ‘जिहाद पाहिजे, जिहाद करत जगायचे आहे’, ‘आम्ही कोण आहोत ?…आतंकवादी, आतंकवादी’, ‘इस्लामिक बांगलादेशामध्ये काफिरांना जागा नाही’, अशा घोषणा दिल्या.

१.  शेख हसीना यांच्या अवामी लीग पक्षाचे सरकारच्या काळात या संघटनांना देशभरात बाँबस्फोट घडवणे आणि ठिकठिकाणी आतंकवादी कारवाया घडवून आणणे, यांप्रकरणी बंदी घालण्यात आली होती. कागदोपत्री आजही या संघटनांवर बंदी आहे; मात्र पंतप्रधान शेख हसीना पदच्युत झाल्यानंतर या संघटना उघडपणे सक्रीय झाल्या आहेत.

२. बांगलादेशात ५ ऑगस्ट २०२४ या दिवशी सत्तांतर झाले. त्यानंतर आलेल्या अहवालानुसार, आतंकवादाशी संबंधित प्रकरणांमध्ये आरोपी असलेल्या शेकडो लोकांना जामिनावर सोडण्यात आले आहे.

३. कारागृह विभागाच्या माहितीनुसार, आतापर्यंत ३०० हून अधिक आतंकवादी कारागृहातून बाहेर आले आहेत. त्यांपैकी काहींना जन्मठेपेची शिक्षाही सुनावण्यात आली होती.

संपादकीय भूमिका

  • बांगलादेशात कट्टरतावादी मुसलमानांच्या वाढता कारवाया पहात, तेथील हिंदूंचे भवितव्य काय आहे ?, हेच स्पष्ट होते. हे लक्षात घेऊन त्यांचे रक्षण करण्यासाठी भारताने बांगलादेशात घुसून या कट्टरतवाद्यांवर कारवाई करणे आवश्यक आहे !
  • बांगलादेशात मुसलमानांच्या अत्याचारांमुळे अल्पसंख्यांक हिंदू नामशेष होत असल्याचे न दिसायला आंतरराष्ट्रीय मानवाधिकार आयोग आंधळा आहे का ?

नूतन लेख