बारामती (पुणे) येथे बसपा सचिवांनी नगरपरिषदेच्या कार्यालयातच कचरा टाकला !

वारंवार तक्रारी करूनही कचरा गाडी न आल्याने बसपा नेत्याचा संताप !

बारामती  – येथे गेल्या अनेक दिवसांपासून वारंवार तक्रारी करूनही कचरा गाडी न आल्याने बहुजन समाज पार्टी (बसपा) प्रदेश सचिव काळूराम चौधरी यांनी थेट कचरा घेत नगरपरिषद गाठली. त्यांनी चक्क नगरपरिषदेत कचरा टाकत संताप व्यक्त केला. काळूराम चौधरी यांनी नगरपरिषदेतील नागरिक सुविधा केंद्र विभागात जाऊन कचर्‍याने भरलेल पोतं जमिनीवर रिकामं केले.

या वेळी संताप व्यक्त करताना ते म्हणाले की, अनेकदा तक्रारी करूनही कचरा उचलण्यासाठी कोणी येत नाही. आम्ही लाख-लाख रुपये कर भरतो. मात्र बेसिक सुविधा मिळत नाही. तसेच आणखी कचरा नगरपरिषद कार्यालयात टाकला जाणार असल्याचे त्यांनी नमूद केले.