USA Protest Against Asim Munir : पाकिस्तानचे सैन्यदल प्रमुख असीम मुनीर यांच्या विरोधात अमेरिकेत निदर्शने !

वॉशिंग्टन – पाकिस्तानचे सैन्यदल प्रमुख फील्ड मार्शल असीम मुनीर यांना अमेरिकेत प्रचंड विरोध होत आहे. मुनीर यांच्या विरोधात वॉशिंग्टनच्या रस्त्यावर निदर्शने करण्यात आली. वॉशिंग्टनमधील संतप्त पाकिस्तानी लोकांनी त्यांना उघडपणे ‘इस्लामाबादचा मारेकरी’, तसेच ‘पाकिस्तानचा मारेकरी’, असे संबोधले आणि त्यांच्याविरोधात घोषणाबाजी केली. पाकिस्तानी निदर्शकांनी ‘आम्हाला लोकशाही हवी, हुकूमशाही नको’, अशी घोषणाही दिली.

असीम मुनीर यांच्यावर मजी पंतप्रधान इम्रान खान यांना कारागृहात डांबून ठेवल्याचा आरोप आहे. इम्रान खान याचे समर्थक असलेल्या शेकडो तरुणांनाही कारागृहात डांबण्यात आले आहे. मानवाधिकार संघटनांचा दावा आहे की, वर्ष २०२३ ते २०२५ या कालावधीत राजकीय मतभेदांच्या नावाखाली पाकिस्तानमध्ये ३ सहस्रांहून अधिक लोक बेपत्ता झाले आहेत.