Jharkhand Robbery In Church : सिमडेगा (झारखंड) येथील चर्चमध्ये मुसलमान दरोडेखोरांनी घातला दरोडा

पाद्रयांना ‘अल्लाहू अकबर’च्या (अल्ला महान आहे, याच्या) घोषणा देण्यास भाग पाडले !

सिमडेगा (झारखंड) : सिमडेगा जिल्ह्यातील समसेरा येथील चर्चमध्ये दरोड्याची घटना उघडकीस आली आहे. येथे सशस्त्र मुसलमान दरोडेखोरांनी बंदुकीचा धाक दाखवून ८ लाख रुपये लुटले. चर्चचे पाद्री इग्नेशियस टोप्पो आणि इतर पाद्रयांनाही लाठ्यांनी अमानुष मारहाण करण्यात आली. त्यांनी पाद्रयाच्या घरात घुसून चोरी केल्यानंतर प्राणघातक आक्रमण केले. ‘चर्चमध्ये दरोडा पडण्याची ही तिसरी वेळ आहे’, असे पाद्रयाने सांगितले. (यातून झारखंडमधील कायदा आणि सुव्यवस्थेचे तीन तेरा वाजल्याचेच उघड होते ! झारखंड मुक्ती मोर्चाच्या सरकारला याचा जाब विचारला पाहिजे ! – संपादक) या वेळी सर्वांना ‘अल्लाहू अकबर’ (अल्ला महान आहे) म्हणण्यास भाग पाडण्यात आले. पाद्री इग्नेशियस आणि इतर घायाळ यांच्यावर रुग्णालयात उपचार चालू आहेत.

दरोड्याच्या या घटनेनंतर स्थानिक लोकांनी संताप व्यक्त केला. थेथैटांगरजवळील बोलबा वळणावर रस्ता रोखण्यात आला. संतप्त लोकांनी घोषणाबाजी केली आणि गुन्हेगारांना तात्काळ अटक करण्याची मागणी केली.