लग्न कुटुंब स्थापन करण्याचा एकमेव मार्ग नसल्याने समलैंगिक जोडपे कुटुंब बनवू शकतात ! – मद्रास उच्च न्यायालय

चेन्नई (तमिळनाडू) – लग्न हा कुटुंब निर्माण करण्याचा एकमेव मार्ग नाही, समलैंगिक जोडपे कुटुंब बनवू शकतात, असे सांगत मद्रास उच्च न्यायालयाने २ महिलांना कुटुंब म्हणून एकत्र रहाण्याची अनुमती दिली आहे. विशेष म्हणजे यापूर्वी म्हणजे १७ ऑक्टोबर २०२३ या दिवशी सर्वोच्च न्यायालयाने समलिंगी विवाहाला कायदेशीर मान्यता देण्यास नकार दिला आहे.

१. या प्रकरणी याचिकाकर्त्या महिलेने म्हटले होते की, तिच्या जोडीदाराला तिच्या कुटुंबातील सदस्य बलपूर्वक घरात डांबून ठेवत आहेत आणि तिला भेटू देत नाहीत.

२. न्यायालयाने म्हटले की, असे दिसते की महिलेला बलपूर्वक तिच्या घरी नेऊन मारहाण करण्यात आली. तिने आम्हाला सांगितले की, तिच्या कुटुंबातील सदस्यांनी तिला काही विधी करण्यास भाग पाडले जेणेकरून ती ‘सामान्य’ होईल.