सनातन प्रभात > Post Type > बातम्या > राष्ट्रीय बातम्या > Rani Durgavati Exam Question : राणी दुर्गावतीच्या समाधीस्थळाला ‘मकबरा’ संबोधल्याने वाद !

Rani Durgavati Exam Question : राणी दुर्गावतीच्या समाधीस्थळाला ‘मकबरा’ संबोधल्याने वाद !

भारतीय इतिहासाचे विकृतीकरण करणारे राणी दुर्गावती विद्यापीठ प्रशासन !

(मकबरा म्हणजे मुसलमान व्यक्तीला पुरल्यानंतर त्या ठिकाणी करण्यात आलेले बांधकाम (कबर))

जबलपूर (मध्यप्रदेश) – जबलपूर येथील राणी दुर्गावती विद्यापिठात पदवीच्या दुसर्‍या वर्षाच्या ‘फाऊंडेशन कोर्स’च्या परीक्षेत राणी दुर्गावतीच्या इतिहासाचे चुकीचे वर्णन करणार्‍या प्रश्नामुळे विद्यापीठ प्रशासन आणि विद्यार्थी यांच्यामध्ये वाद निर्माण झाला. ३ मे २०२५ या दिवशी झालेल्या ‘बीएस्सी’च्या दुसर्‍या वर्षाच्या ‘फाऊंडेशन कोर्स’च्या प्रश्नपत्रिकेत राणी दुर्गावती यांच्या समाधीस्थळाविषयी ‘राणी दुर्गावतीचा ‘मकबरा’ कुठे बांधला आहे ?’ असा प्रश्न विचारण्यात आला होता.

१. या प्रश्नामुळे विद्यार्थ्यांमध्ये गोंधळ निर्माण झाला; कारण राणी दुर्गावतीचे समाधीस्थळ  आहे, कबर नाही. हा राणी दुर्गावतीचे शौर्य, पराक्रम आणि बलीदान यांचा अवमान असल्याची चर्चा नागरिकांमध्ये होती.

२. या घटनेचा विविध सामाजिक संघटना आणि विद्यार्थी यांनी निषेध केला आहे. अखिल भारतीय विद्यार्थी परिषदेने याला ’अज्ञानाचा परिणाम’ असे म्हटले आहे. इतिहासाच्या या विद्रुपीकरणाला उत्तरदायी असलेल्यांवर कठोर कारवाई करण्याची मागणीही परिषदेने केली आहे.

संपादकीय भूमिका

  • ज्यांच्या नावाने विद्यापीठ चालवले जाते, निदान त्यांचा तरी इतिहास विद्यापीठ प्रशासनाला ठाऊक नको का ? असे इतिहासद्रोही प्रशासकीय अधिकारी आणि कर्मचारी यांच्यावर कठोर कारवाई झाली पाहिजे !
  • इतिहास ठाऊक नसलेले हल्लीचे शिक्षण क्षेत्रातील जाणकार इतिहास काय घडवणार ?

नूतन लेख